Dalagang allergic sa tubig, binahagi ang kalbaryong pinagdadaanan dulot nito - The Daily Sentry


Dalagang allergic sa tubig, binahagi ang kalbaryong pinagdadaanan dulot nito





Mga larawan mula sa Facebook at Instagram/Niah Selway


Napakahirap ang pinagdadaanan ng isang dalaga dahil sa kanyang kakaibang kalagayan, kung saan ay hirap na hirap syang maligo dahil sa allergic reaction ng kayang balat sa tubig.

Ipinakita sa video ng isang 19-anyos na dalaga ang araw-araw na kalbaryo na kanyang pinagdadaanan sa tuwing sya ay maliligo.

Nakilala ang nasabing dalaga na si Niah Selway, isang Youtube vlogger, mula sa Engglatera. 

Kalbaryo dulot ng allergy sa tubig

Ayon kay Niah, nagsimula ang kanyang allergy nang siya ay limang taon pa lamang. Ngunit sa mga panahong iyon ay hindi pa gaano malala ang pangangati ng kanyang katawan.

Ngunit di kalaunan habang siya ay nagdadalaga na. Dito na nagsimulang lumabas ang mga sanhi ng allergy gaya na lamang ng sobrang pangangati at pananakit ng buong katawan.

Ito ay dahil sa sakit at sobrang kati na kanyang nakukuha dulot ng kakaibang kondisyon na tinatawag na "Aquagenic Pruitus".

Kaya naman mabilisan lang kung maligo si Niah sa kanyang paliligo, kailangan ay hindi ito lalagpas ng limang minuto.

Ito ay dahil sa loob ng lima hanggang sampung minuto mula nang siya ay mag-umpisang mabasa, magsisimula nang sumakit at mangati ang buo nyang katawan.

Ang kanyang pangangati at pananakit ng katawan ay tumatagal ng hanggang tatlong oras bago humupa ang sakit.

 
Mga larawan mula sa Youtube at Instagram/Niah Selway

May lunas pa nga ba ang kondisyon ng dalaga

At kahit tuyo na ang kanyang katawan, patuloy pa rin ang pangangati ng kanyang balat na syang nagiging kalbaryo sa kanyang pang-araw araw na buhay.

Ang isa pa sa masaklap, ay di rin siya makaiyak dahil ang mga luha nya ay magiging sanhi din ng pagsumpong ng kanyang allergy.

Iniiwasan din ng dalaga na pagpawisan o kaya naman ay Mabasa ng ulan. Maging ang pag-aaply ng make up ay dapat walang water content ang nasabing brand.

Ingat na ingat na hindi Mabasa si Niah, labis na naaawa na sa kanya ang kanyang mga kaibigan at mga magulang dahil sa kanyang kondisyon.

Maging ang kanyang social life ay naapektuhan na kanyang kondisyon. Kaya nagpasya si Niah na ibahagi ang kanyang pinagdadaanan upang magsilbing kaalaman ito sa madla at huwag syang husgahan dahil dito.

Ang "Aquagenic Pruitus" ay isang kondisyon kung saan ang pagdikit o pagdampi ng tubig sa katawan ay nagbubunga ng matinding pangangati sa balat. kadalasan ay tumatagal isang oras at higit pa. ang nasabing kondisyon ay maaring namamana mula pa sa pamilya ng pasyente. 

Sa ngayon ay wala pang tiyak na lunas sa nasabing kondisyon. Maari lamang gawin ng taong mayroon nito ay i-manage lamang ang pangangati sa pamamagitan ng pagpahid ng topical ointment, anti histamine na syang pumipigil sa pangangati ng iba’t ibang parte ng katawan.