Isang anak mas piniling ipagawa ang dream house ng ama kaysa ipuhunan ang pera sa negosyo - The Daily Sentry


Isang anak mas piniling ipagawa ang dream house ng ama kaysa ipuhunan ang pera sa negosyo



Larawan mula kay Randy Oliverio
Viral ang Facebook post ng isang netizen na si Randy Oliverio matapos niyang ibahagi ang ginawa niyang sakripisyo upang matupad ang pinapangarap ng kanyang ama na maipagawa ang kanilang bahay sa probinsya.

Kuwento ni Randy, noong bata pa lamang siya ay madalas na niyang makita ang kanyang ama na gumagawa ng plano o blueprint ng pangarap niyang bahay.

Dahil sa sobrang pagmamahal ni Randy sa kanyang ama ay nagsumikap itong mag-aral upang makakuha ng magandang trabaho at sa awa ng Diyos ay isa na siya ngayong property specialist.

Dahil sa kagustuhang maipagawa kaagad ang dream house ng kanyang ama ay bawat sahod nito ay diretso sa pagbili ng mga materyalis para sa bahay sa probinsya na kung minsan ay wala ng natitira sa kanyang bulsa.
Larawan mula kay Randy Oliverio
Mayroon pang mga pagkakataon na sinasabi ng mga kasama nito sa trabaho na sana ay in-invest nito ang kanyang pera sa negosyo sa halip na ipagawa ang bahay sa probinsya.

"Kaya pag tinatanong ako ng iba kng ka work kng ano ang mga na invest ko, sagot ko ay pinagawa ko yung bahay namin sa province. at kadalasan nilang sagot ay "naku.. D34d investment yan dapat nag business ka"

Basahin ang buong post ni Randy sa ibaba:

"5 years ago, sinabi ko sa sarili ko na "eto na ang huling beses na makikita ko yung bahay namin na maraming tapal dahil sa butas".. kaya ayon, pinagsikapan at lahat halos ng pera na kinita eh nasa poste at pader ng bahay. Kaya pag tinatanong ako ng iba kng ka work kng ano ang mga na invest ko, sagot ko ay pinagawa ko yung bahay namin sa province. at kadalasan nilang sagot ay "naku.. D34d investment yan dapat nag business ka" which is true naman talaga. Dapat passive income ang mindset kasi para kang nag baon ng pera sa lupa dahil walang ROI.
Larawan mula kay Randy Oliverio
"Pero, pangarap talaga ng papa ko na maging two story na my terrace ang bahay namin na tinitirahan na minana pa nya sa magulang nya. bata palang ako lagi ko nakikita papa ko na gumagawa ng blueprint ng dream house nya. Siguro mga 3 beses ko sya nakita na gumagawa ng layout sa dreamhouse nya. and Praise God.. ang pangarap ng papa ko noon hindi nalang sa drawing kasi naging makatotohanan na. Nakulayan din sa wakas..

"Yung tipong across the street, left and right front and back eh bahay lang talaga namin ang naiiba ang hitsura wala eh, ganun talaga ang kapalaran wala namang gusto na maging mahirap kasi ang hirap kaya.
Larawan mula kay Randy Oliverio
"My isang successful person ako na narinig na nag share ng buhay nya. Sabi nya, siguro kng buhay pa ang magulang nya ngayon lahat ng gustong kainin ibibigay nya. lahat ng hilingin kng kaya ay ibibigay nya. Siguro ngayon daw pinatayuan nya ng maayos na bahay kahit mansion pa. Kaso hindi na inabot ng magulang nya yung pag succes ng buhay nya. Kaya yun ang isa sa naging motivation ko. Gusto ko ibigay sa magulang ko yung gusto nilang pagkain na kaya pa nila lasahan at nguyain dahil hindi pa bawal.. gusto ko rin mapuntahan nila yung ibang lugar na kaya pa nilang e enjoy habang naglalakad.. at gusto ko ma enjoy nila yung akyat baba ng 2nd floor ng bahay na pangarap nila na hindi pa sumasakit ang tuhod. Yun ang mga bagay na hindi nila na naranasan noon dahil di afford na gusto ko ma experience nila bago ang takip silim ng buhay nila. Iba rin pala pag pamilya or magulang mo ang naging inspirasyon mo kasi binibigay tLaga ni Lord 

"God is Good talaga. Sino ang mag aakala na ang mga biruan lang namin nuon na pangarap na magkaroon ng bahay na 2nd floor na my terrace ay magiging totoo. Yung pangarap na bahay na sa papel ko lang dati nakikita ay hindi na drawing. Yung tipong kahit my b4gyo hindi na ako mag woworry na maraming tulo yung bahay namin., baka basa na sila sa loob ng bahay.. baka bumagsak yung bubungan dahil marupok na.. it's true hindi passive income ang bahay at maraming nag sasabing d34d investment. Pero ang makita ko ang magulang ko na masaya at maayos ang kalagayan ay higit pa sa ROI ang nakuha ko. Bago man lang ako mag settle kasi ako nalang single saming magakakapatid atleast panatag ang loob ko sa kanila

"Ps: 5 years in the making po ito! matagal dahil di kaya ang biglaan.

****

Source: Facebook