Mananahi na iginapang ang pag-aaral ng anak, nakapagpatapos ng doktor at top 1 pa sa board exam - The Daily Sentry


Mananahi na iginapang ang pag-aaral ng anak, nakapagpatapos ng doktor at top 1 pa sa board exam





Usap-usapan ngayon sa social media ang isang lalaki dahil sa nakamit nitong tagumpay sa katatapos lang na Physician Licensure Exam.

Ang lalaki na ngayon ay ganap nang doktor ay proud na anak ng isang housewife at tatay na mananahi na construction worker din.


Sa pangalawang pagkakataon, muling nasungkit ni Dr. Jomel Lapides ang top spot sa naturang board exam matapos nya ring manguna noong 2011 sa Nursing Licensure Exam.


Pagbabahagi ng bagong doktor, bukod sa kanyang puspusang pag-aaral ay taimtim rin nyang ipinagdasal na makapasok kahit sa top 10 lang. Ngunit higit pa dito ang nakamit nyang biyaya.

Halos hindi man makapaniwala sa nakuhang gantimpala kapalit ng lahat ng kanyang sakripisyo at pagsusumikap, malakas naman ang paniniwala ni Lapides na nakamit nya ito dahil sa tibay ng loob, tiyaga, at paniniwala niya sa Diyos.

“Sobrang unexpected and surpised at talagang thankful lang talaga kay Lord. I prayed at least makapasok ako sa Top 10. Si Lord po iba yung binigay lagpas-lagpas,” aniya. 

Kwento pa ni Lapides, "Si Lord lang po talaga ang naging sandalan. Tapos po, thankful kasi po may mga people na tumulong... So I think blessed lang po ako sa mga people na niniwala sa'yo. Talagang persevere talaga eh, kasi kung hindi talaga materially, financially-blessed, kailangan mo talaga ng tiyaga," 


"Dati nanghihiram pa ako ng funds. Tapos nag-try ako mag-apply sa ibang work para habang naghihintay ng nursing board, nag-work ako as a tutor, kahit papano kumita na," dagdag pa nya.

Payo ng binata, “Talk to the Lord and tiwala lang sa kaniya. Have faith. Siya yung ground and source ng strength. And also solicit the help of your family and your friends and get your inspiration from them. Really know yourself and set your goals po.”

Nabanggit rin ng pinagpalang binata na nagtapos sa UP College of Medicine, balak nyang ipagpatuloy ang kanyang sa ophthalmology.