Kahit sino mapapa Sana All sa bahay at kotseng regalo sa bagong kasal mula sa Roxas City - The Daily Sentry


Kahit sino mapapa Sana All sa bahay at kotseng regalo sa bagong kasal mula sa Roxas City




 
Mga larawan mula sa Facebook


Ang mga Pilipino ay maraming tradisyon na impluwensya na rin ng ibang lahi na sumakop sa bansa, isa na rito ang pagpapahalaga natin sa kasal.


Ang pagpapakasal ay hindi lamang pagbubuklod ng dalawang taong nagmamahalan kundi ito rin ang simula ng pagkakaroon ng sariling pamilya ng magkasintahan na haharap sa altar.



Isa sa naging tradisyon nating mga Pilipino ay ang pagsasabit ng pera sa magkaparehang ikinasal, ito ay upang magamit nila sa pagsisimula ng kanilang buhay bilang mag asawa.


Kamakailan naman ay nag viral ang bagong kasal dahil sa halip na pera o paper bills ang isinabit sa wedding gown ng bride ay isa umanong dokumento na nasa loob ng brown envelope na may nakasulat na “Deed of Sale” ang Nakita sa ikinabit sa damit ng bagong kasal.


Maliban dito ay may isinabit din na OR/CR ng sasakyan at mga pera na tag iisang libo sa mag-asawa.


Ang bride ay kinilalang si Criselle Joy mula sa Roxas City na ikinasal noong Nobyembre 26, ng kasalukuyang taon kay Al Vin Alegre.



Ayon kay Criselle, siya ay nag resign sa kanyang trabaho nang ikasal sila ng kasintahan na isang miyembro naman ng Philippine National Police Highway Patrol Group. *


Mga larawan mula sa Facebook

Kinumpirma ng bride na ang regalong sasakyan at lupa ay galing sa kanyang mga magulang at talagang hindi nila ito inaasahan na matangap.


“Yes po. Galing yun sa parents ko. Surprise po. Masaya na emotional kasi hindi naming inaasahan ang blessing na ito.” Saad ni Criselle


Ang mga larawan ng bagong kasal ay tumanggap ng mga positibong komento mula sa mga netizens at hindi rin nila lubos akalain na magvi-viral ito.


Mga larawan mula sa Facebook


Todo-todo din ang pasasalamat ng mag asawa sa mga taong naka appreciate sa kanila pati na sa mga nakasaksi ng kanilang tunay na pagmamahalan.



Ang pag bibigay ng regalo o pera sa bagong kasal ay isa lang sa naging tradisyon na ng mga Pilipino ngunit ito naman ay hindi sapilitan at dapat ay bukal sa loob ng mag bibigay.