Abogado, ligtas at nakapatay ng isang suspek sa pang-aambush ng tatlong lalaki sa Quezon City - The Daily Sentry

Monday, February 12, 2018



Abogado, ligtas at nakapatay ng isang suspek sa pang-aambush ng tatlong lalaki sa Quezon City



Atty. Argel Joseph Cabatbat's car, photo from Youtube
Ang isang abogado ay hindi lamang nakaligtas sa isang ambush na naganap sa Quezon City nitong nakaraang hatinggabi ng Martes, napatay din niya ang isa sa mga sumalakay at nasugatan pa ang isa.

Ayon sa isang report ng Unang Balita, ang abogado na si Argel Joseph Cabatbat ay nakasakay sa kanyang sasakyan nang ang tatlong lalaki na nakasakay ng dalawang motorsiklo ay nagpaputok sa kanya sa kanto ng East Avenue at EDSA.

Sa pagkakataong ligtas sa pag-atake ang abugado, ayon sa ulat, hinabol ni Cabatbat ang mga umatake sa kanya at tumakbo papalayo ang mga ito.

Napatay ni Cabatbat ang isa sa mga sumalakay at nakuha niya ang ID ng isang Police Officer 1 Mark Ayeras mula sa kanyang napatay.

Sinabi ng ulat ng Super Radyo dzBB na ayon sa direktor ng Quezon City Police District (QCPD) na si Chief Superintendent Guillermo Eleazar, ang pulis ay itinalaga sa National Anti-Drug Unit (NCRPO) ng National Capital Region Police Office (NCRPO).

Ayon sa ulat ng radyo, natukoy na ng pulisya ng Quezon City ang pagkakakilanlan ng napatay na attacker ng abugado.
Idinagdag pa sa report na ayon kay Eleazar, ang pulis ay nagsilbi sa QCPD bago mailipat sa NCRPO.

Ang isa pang attacker na nasugatan ay kinilala ng QCPD bilang si John Paul Cerillo, isang dating overseas Filipino worker, habang ang ikatlong kasamahan ng dalawang suspek ay nakatakas.

Nakuha ng pulisya ang isang 9mm na pistol at .45 pistol mula sa mga suspek.

Ang pagsisiyasat ay patuloy pa rin upang matukoy ang motibo ng pag-atake.

Source: gmanetwork.com