Dalawang magkaibigan, kalaboso dahil sa pagiging tsismosa - The Daily Sentry


Dalawang magkaibigan, kalaboso dahil sa pagiging tsismosa



Larawan mula sa Superbalita Cebu
Ayon sa pananaliksik, ang mga taong tsismosa/tsismoso ay sila yung mga taong hindi masyadong popular o hindi masyadong napapansin dahil hindi sila mapagkakatiwalaan at mahilig magkalat ng mga pribadong impormasyon ng ibang tao.

Karamihan sa mga nagkakalat nito ay ang mga matatanda o may mga edad na, na mahilig makipag-usap ng walang saysay o alingawngaw sa personal na buhay ng ibang tao.

Gayunpaman, kalaboso naman ang dalawang babae na sina Mary Grace Catapan, 21 at si Jhallyn Gequillo Varga, 35 na taga Barangay Sudlonon at Barangay Gairan, Bogo City, Cebu dahil sa pagiging tsismosa at paninirang puri sa ibang tao.

Matapos makatanggap ang mga otoridad ng go signal mula sa kinauukulan ay agad dinakip ang dalawang babae sa kasong Cyber Lbel matapos pag-tsismisan at siraan sa isang group chat ang nagreklamong si Aileen (hindi niya tunay na pangalan).


Napag-alaman kasi ni Aileen na simula pa noong taong 2017 hanggang 2018 ay sinisiraan na siya ng puri ng mga ito sa pamamagitan ng pag-uusap sa group chat.

“Ang among na discover nga group chat is almost two years nga group chat nga halos everyday ko nila libakon. Kay kon mag vacation mi, i-grab ang among pictures ibutang sa group chat unya i-malign. Nya naa pa toy giingon nga kabit ko. Basta dagha pa,” ayon kay Aileen.
Larawan mula sa Superbalita Cebu
(Ang aming natuklasang group chat ay halos dalawang taon nang group chat at halos araw-araw nila akong pinag-tsitsismisan. Kasi kapag nagbabakasyon kami, kinukuha nila ang mga larawan namin at inilalagay sa kanilang group chat at tsaka nila binibigyan ng malisya. Meron pa ngang sinabi doon na isa raw akong kabit at marami pang iba.) ayon kay Aileen.

Napag-alaman na ang dalawang babaeng nakasuhan ay mga magulang ng mga batang nag-aaral sa isang paaralan sa Bogo City, kung saan ay nag-aaral din doon ang anak ni Aileen.

Ayon kay Aileen, nasa sampo ang bilang ng miyembro ng ginawang group chat nina Catapan at Varga at isa dito ay ang kumuha ng litrato na inilagay sa group chat upang pag-tsismisan at siraan ng puri.

Nadiskubre din ni Aileen na sinasabihan siya ng mga ito sa group chat na mayroong b!polar dsorder at pinagbantaan din ang kanyang buhay na ipapa-t0khang at isisilid sa septic tank.

Inakusahan din ng grupo ang asawa ni Aileen na isang magnanakw at ginawang katuwaan ang kanilang larawan kung saan ay ini-edit nila ito at ginawang mul2 o asw4ng ang mukha.
Larawan mula sa Superbalita Cebu
Labis din na nasaktan si Aileen matapos kunin ng mga ito ang larawan ng kanyang anak at lagyan ng caption na special child.

Dahil dito ay hindi na nagdalawang isip si Aileen na sampahan ang mga ito ng kaso para mapagbayaran ang mga ginawa nilang paninirang puri sakanyang pamilya at sakanya.

Paliwanag ng Judge na si Ramon Daomilas Jr. nilabag ng mga ito ang Section 4 (c) ng Republic Act 10175 o tinatawag na Cybr Lbel.

Ayon pa dito, maaaring pagdusahan ng mga ito sa loob ng rehas ng anim na buwan hanggang dalawang taon, o di kaya ay magbayad ng multa.


Sa ngayon ay pinayagan ng Korte ng makapagpiyansa ng Php 36, 000 ang dalawang akusadong babae.

Maging babala sana ito para sa mga taong mahilig sa tsismis diyan, na hindi dapat manira ng buhay ng ibang tao. Baka magaya kayo sa dalawang mag-kaibigang ito.

****

Source: Sunstar