 |
| Larawan mula sa Facebook page ng Hugot Byahero |
Normal sa ating
mga Pilipino na maghanap ng sale bago bumili ng mga bagong bagay sa mall, lalo
na kung ito bagsak presyo ng sapatos – wala talagang makakapigil kahit may
pandemya.
Trending
ang isang larawan ngayon sa social media na kuha sa isang mall umano sa Cagayan
de Oro City.
Makikita sa
larawan na dagsa ang mga mamimili na nakapila ngunit hindi nasunod ang tamang
health protocol upang maiwasan ang pagkalat ng virus.
Napag-alaman
na nagkaroon ng bagsak presyo ang Limketkai Mall nitong Agosto 15 na tatagal
sana hanggang Agosto 21 para sa Nike,
Adidas, New Balance at Pro Touch sports apparel and shoes na hanggang 80% ang discount.
Kapansin-pansin
mula sa mga larawang binahagi ng Hugot Byahero na hindi sumunod sa social
distancing ang mga nakapilang mamimili habang naghihintay na makapasok sa loob
mismo ng tindahan ng sapatos.
Sa
kasalukuyan, ang post na ito mula sa Hugot Byahero ay umabot na sa 7.5k shares
simula nang ito ay ibahagi nito sa Facebook kahapon.
Karamihan
naman sa mga netizens ay di naiwasan ang mag komento sa larawan sa takot na mas
lalong kumalat ang coronavirus dahil sa hindi pagsunod ng mga mamimili sa
health protocol.*
 |
| Larawan mula sa Facebook page ng Hugot Byahero |
“Magsasabi
pa na mahal ang face shield pero pag sale ng ganito walang mahal mahal sa inyo,
pero kapg wala ng makain maghihingi ng ayuda, sisisihin pa ang gobyerno. Haist.
Goodluck people. “
“Isisi na
naman yan sa gobyerno pag nahawa kayo na bakit walang mass testing. Paano pa
yan ma trace ang dami palang pera mahal pa naman ang gastos pag nagkaron ng
covid tapos sisi nyo kay Duterte kc walang bagawa sa pilipinas. Pag sure jud”
“That’s why
dapat talaga close muna ang mga malls. Hindi naman natin need ng mga bagong
shoes etc. Grocery store lang dapat ng malls ang open muna. Dami kasi matitigas
ang ulo. Buti sana kung marunong sila dumistansya no!”
“Go pinoy! Go for
world's leading count on COVID 19's cases!! Fight lang!!”*
Larawan mula sa Facebook page ng Hugot Byahero
“akala ko ba wala ng
makain , walang work wala pera tapos my pambili ng sapatos , then akala ko pa
bawal matatanda sa labas at kabataan bakit nasa labas sila? palpak na ung
government natin pati iba natin kababayan kulang pa sa diseplina wala ng pag
asa ang pilipinas at dun sa owner ng mall bakit naman pinayagan at dun sa my
owner ng shop ng shoes ano walang pandemic ? NAPAKA ESSENTIAL ng sapatos
welcome to ph”
Samantala, agad naman
itong inaksyunan ng pamunuan ng Limketkai mall at pansamantalang ipinahinto ang
warehouse sale.
“Due to the unexpected
number of shoppers of The Warehouse Clearance Sale, some safety health
protocols were not observed. Please be advised that our management have
temporarily stopped the said activity at the Atrium which was thereafter
seconded and approved by the City government,” ayon sa pahayag ng Limketkai
Center sa official Facebook page nito.
Makikipagpulong pa rin
ang mga opisyal ng mall sa pamahalaang lungsod upang pag-usapan ang diumano’y
paglabag sa mga protocol sa kalusugan sa pagtatatag.
Tinawag din ni Foreign
Affairs Secretary Teodoro Locsin Jr ang pansin ng Inter-Agency Task Force sa
isang tweet na ibinahagi ng isang netizen ang tungkol sa larawan na kumakalat
sa social media.
