‘WALA KAYONG MAHANAP NA BUTAS SA AKIN’

Iginiit ni Sen. Robin Padilla na puro umano kasinungalingan at personal na pambabatikos ang ibinabato sa kanya ng kanyang mga kritiko dahil wala silang mahanap na tunay na isyu laban sa kanya.

Aniya, nauuwi na lamang umano sa pagtawag sa kanya ng “bobo” at “tanga” ang mga batikos.

“Humanap naman kayo ng totoong ibabanat n’yo sa akin. Puro kasinungalingan eh. Kasi wala kayong mahanap na butas sa akin.”

Dagdag pa ni Padilla, wala umano siyang kinalaman sa pagnanakaw.

“Pero pagdating sa pagnanakaw, zero ako!”

Ang pahayag ay binitiwan ni Padilla bilang tugon sa mga patuloy na kritisismo laban sa kanya.

SEN. ROBIN, PABOR SA PAX SILICA

Nanindigan si Sen. Robin Padilla na hindi dapat pigilan ang pagpasok ng mga dayuhang investor sa Pilipinas, kasunod ng mga usapin sa Pax Silica.

Ayon kay Padilla, ginagawa rin umano ito ng mga karatig-bansa tulad ng Singapore, Vietnam at Malaysia upang makahikayat ng mga dayuhang mamumuhunan.

“Hindi ko maintindihan kung bakit itong Pax Silica ay ginagawang issue. Dapat yan ay pinapayagang pumasok at magnegosyo sa atin. Dapat hindi pigilan.”

Ipinaliwanag ni Padilla na ang pagpasok ng mga dayuhang investor ay hindi nangangahulugang sasakupin ang bansa.

“Hindi po ibig sabihin na sasakupin tayo. Kung tayo ay sasakupin, ako po ang unang lalaban diyan.”

Binanggit din ng senador ang kanyang naging posisyon sa isyu ng International Criminal Court (ICC), kabilang ang alegasyong siya umano ang tumulong sa pagtakas ni Sen. Ronald “Bato” dela Rosa, na kanyang itinanggi.

“Nung tayo ay sinasakop ng ICC, ako ang lumaban diyan. Ginawan pa ako ng issue na pinatakas ko daw si Bato. Hindi totoo yun.”

Sa huli, binigyang-diin ni Padilla ang umano’y epekto ng mga investor sa ekonomiya at trabaho:

“Tandaan po ninyo, pag merong investor, may trabaho. Pag may trabaho, may sweldo.”

Si Patrick Dylan Wee, isang Grade 10 student ng Ateneo de Zamboanga University–Junior High School, ay kabilang sa mga nasawi sa pamamaril na naganap sa loob ng paaralan.

Kilala si Patrick sa kaniyang pambihirang galing sa matematika at agham. Isa siyang masigasig na mag-aaral na kapansin-pansin ang talino, dedikasyon, at pagmamahal sa pagkatuto.

Noong 2024, tumanggap siya ng Gold Award sa International Mathematics Olympiad of Southeast Asia (IMOCSEA), kung saan kinatawan niya ang Pilipinas. Ang kaniyang tagumpay ay naging karangalan hindi lamang para sa kaniyang paaralan kundi maging sa kaniyang bansa.

Sa murang edad, ipinakita ni Patrick ang malaking potensiyal na naghihintay sana sa kaniyang hinaharap. Ngunit ang buhay ng batang may marami pang pangarap ay malungkot na naputol sa loob mismo ng isang silid-aralan—isang lugar na dapat sana ay ligtas para sa pag-aaral, paglago, at pagbuo ng kinabukasan.

Mananatili sa alaala ng kaniyang pamilya, mga kaibigan, kaklase, guro, at mga taong humanga sa kaniyang talino ang kaniyang mga tagumpay, ngiti, at mga pangarap.

Ang sinapit ni Patrick ay muling nagpapaalala sa kahalagahan ng pagpapanatili ng seguridad sa mga paaralan at pagprotekta sa mga kabataan habang tinutupad nila ang kanilang mga pangarap.

Taos-pusong pakikiramay at panalangin ang hatid para sa pamilya at mga mahal sa buhay ni Patrick sa gitna ng napakasakit na pagkawala.

Nawa’y magsilbing lakas at ginhawa sa mga naiwan niya ang masasayang alaala ng kaniyang buhay. Ang kaniyang talino, mga tagumpay, at ang inspirasyong iniwan niya sa iba ay mananatiling bahagi ng alaala ng mga taong nakakilala sa kaniya.

ON JUNE 9, 2026, Atty. Baligod said the 18 men stand by their affidavit that suitcases were brought to the alleged house of Sen. Mark Villar some time in 2022.

Mainit na usapin sa social media ang viral video ng security guard ng isang sikat na mall kung saan mapapanood ang pagpapaalis nito sa isang batang sampaguita vendor sa Mandaluyong City. 

Batay sa kumakalat na videos, mapapanood kung paano tila naging bayolente ang security guard sa pagpapaalis sa batang estudyanteng nakaupo sa hagdanan sa labas ng SM Megamall na may bitbit na sampaguita. 

Makikita rin sa naturang video kung paano pilit na hinablot ng security guard ang sampaguitang bitbit ng estudyante. Bunsod nito, sinubukang hampasin ng bata ang security guard gamit ang plastic ng kaniyang sampaguita. Mapapansin din sa video na bahagyang sinipa pa ng sekyu ang bata. 

Kaya naman, ang nasabing video na agad kumalat sa Facebook, TikTok at X na umani ng samu’t saring reaksiyon laban sa naturang security guard. 

Samantala, naglabas naman ng pahayag nitong Huwebes, Enero 16, 2025, ang pamunuan ng SM Megamall at inihayag na nakikisimpatiya raw sila sa dinanas ng bata mula sa kanilang empleyado.

“We regret and sympathize with the young girl who experienced an unfortunate incident outside our mall,” anang naturang mall.

Dagdag pa nito, sinibak na raw nila ang security guard at hindi na raw ito maaaring maging empleyado pa ng kahit na anong branch ng naturang mall. 

“We have called the attention of the security agency to conduct an immediate and thorough investigation. The Security Guard has been dismissed and will no longer be allowed to service any of our malls,” saad ng pamunuan ng mall. 

Kaugnay nito, tila maraming netizens naman ang sumuporta sa naging pagtugon ng mall sa nasabing isyu.

Samantala, may ilang netizens din naman ang tila nagbigay ng simpatya mula sa sinibak na security guard at iginiit na ang may kasalanan umano ay ang mahigpit na “protocols” ng naturang establisyemento. 

Isang masayang umaga para sa batang si Maya (hindi tunay na pangalan), isang estudyanteng kinder sa lungsod ng Quezon. Nakangiti siyang pumasok sa kanilang paaralan, bitbit ang kanyang proyekto na ginawa niya buong gabi kasama ang tulong ng kanyang mga magulang. Ngunit ang kanyang kasiyahan ay nauwi sa luha nang siya’y umuwi mula sa eskwela.

Ayon sa kwento ng kanyang mga magulang, pinunit ng kanyang guro ang proyekto matapos siyang makita na nag-uusap sa kanyang kaklase sa gitna ng klase. Sinabihan siya ng guro na dapat ay nakikinig siya, at ang parusa: ang pinaghirapang proyekto ay sinira mismo sa kanyang harapan.

“Naiiyak ako habang kinukwento niya. Buong gabi namin ginawa iyon,” sabi ng kanyang ina, na napilitang aliwin ang anak upang hindi ito magdamdam nang matagal.

Maraming magulang ang nagalit at nagtatanong ngayon sa pamunuan ng paaralan: Tama bang gawing parusa ang pagwasak sa proyekto ng bata? Saan naroon ang pang-unawa at konsiderasyon sa mga batang nasa murang edad pa lamang?

Ilang eksperto sa edukasyon ang nagsasabing masyadong mabigat ang naging parusa para sa ganoong sitwasyon. Dapat daw na tinutulungan ang mga bata na magbago sa positibong paraan, imbes na idaan sa ganitong klaseng aksyon na maaaring magdulot ng takot o trauma.

Ngunit tahimik pa rin ang pamunuan ng paaralan at wala pang opisyal na pahayag mula sa guro. Samantala, ang batang si Maya ay patuloy na nagpapahinga, ngunit nakikitang tahimik at malungkot sa mga sumunod na araw.