Online Seller, nabiktima ng modus gamit ang mga 'nagmamakaawang' matatanda - The Daily Sentry


Online Seller, nabiktima ng modus gamit ang mga 'nagmamakaawang' matatanda




Nasa dugo na ng mga Pinoy ang buong pusong tumutulong at ang pagiging maaawain lalong-lalo na kung ang mga dumudulog at humihingi ng tulong ay mga matatanda.


Ngunit dahil rin sa mabilis tayong magtiwala sa ating kapwa, ito na rin madalas ang dahilan kung bakit naglilipana ang mga mapagsamantala at mga manlolokong tao. 


Tulad nalang ng naging nakakapanghinang karanasan ng isang netizen na si Mary Jane Salvador kung saan bukas loob niyang tinulungan ang isang Lola na pasimpleng nagpapanggap na kunwari walang alam sa lugar.


"Yung tumulong ka na nga ikaw pa niloko. Hayss. Kaya mag ingat sa mga tinutulungan, ikaw na nga naging mabait ikaw pa lolokohin. Pakishare naman po para maalarma yung iba baka hindi lang ako nabiktima nitong dalawa na to."


Ngunit walang kamalay-malay si Mary Jane na may iba pa pala itong mga kasabwat na mga manloloko din, upang tuluyan siyang magtiwala sa kanila at magawa ang kanilang masamang binabalak sa kanilang mga biktima. 


Narito ang kanyang buong kwento:  


Yung tumulong ka na nga ikaw pa niloko. Hayss!! 😭😭😭


So ganito nangyari, habang pasakay ako papunta dun sa supplier ko para kumuha ng hanger at corrugated pot , lumapit si Lola, na ang daming dala na paninda at nag tanong sya sakin kung san daw yung sakayan papuntang Tarlac. 


Eh hindi ko naman alam dahil hindi ako pamilyar sa lugar, bigla syang may tinuro na lalake , itanong ko daw sa kanya baka alam tapos ayun na nga tinuro nung lalaki kung saan.


Sinamahan nya kaming dalawa ni Lola then si Lola huminto bibili daw muna ng antibiotic tapos may binigay syang Pera na nakalagay sa medyas, sabi nya "neng itabi mo muna ito hintayin nyo ako doon sa sakayan baka mawala ko eh" , 



Tapos maya maya pagkatalikod namin nung lalaki, sabay sabi nya na baka kung saan nyo dalhin paninda ko ah, gusto nyang kunin yung cellphone nmin nung lalake  para makasigurado sya , pabiro nyang sabi na nakangiti. 


Tapos binigay nung lalaki naman yung wallet nya pati cellphone so ako naging ganun na din dahil tiwala naman ako dahil may inabot sya na pera sakin, binigay ko yung cellphone. 

 So pagkapunta namin dun sa sakayan , sabi nung lalake bibili lang daw sya ng yosi, tapos 15mins na wala pa rin silang dalawa. 

Kinukutuban na ako kasi ang tagal na, pagkacheck ko nung karton na dala dala namin, puro basura pala yung laman Hays..tapos pagkacheck ko nung pera sa bahay, papel lang pala yung nakasuksok dun para kumapal Hayssss.



Kaya mag ingat sa mga tinutulungan, ikaw na nga naging mabait ikaw pa lolokohin. Pakishare naman po para maalarma yung iba baka hindi lang ako nabiktima nitong dalawa na to. 😭😭😭 Buti sa kabilang cellphone ko nalog in yung Shopee Account namin shopee.ph/kuyafink pati mga Ibang bank accounts haysss.. Yung IPhone p max ko napalitan ng 1.5k. 😭😭😭 

***


Stay updated with the latest news and trends by hitting the LIKE button. Thank you!