Mula sa pagiging magsasaka, PBB grand winner nabilhan na ng sariling bakeshop, bahay at lupa at mga sasakyan ang mga magulang - The Daily Sentry


Mula sa pagiging magsasaka, PBB grand winner nabilhan na ng sariling bakeshop, bahay at lupa at mga sasakyan ang mga magulang



 

Photos from Facebook @Yamyam Gucong


Ang dating Pinoy Big Brother big winner na si Yamyam Gucong ay isa na ngayong business owner at maging ang mga magulang at kaanak nito ay nabiyayaan din ng kanyang tagumpay.

 

Isa si Yamyam sa mga mapalad na nilalang na masasabi nating “from rags to riches” talaga ang kwento ng kanyang buhay. *


 

Lumaki si Yamyam mula sa mahirap na pamilya, isang magsasaka lamang ang kanyang ama habang ang kanyang ina naman ay nag aalaga lamang ng kaniyang mga kapatid.


 

Samantala, sumasama naman siya sa pagsasaka sa kanyang ama habang tirik ang sikat ng araw at ang nanay naman nya ay nag aasikaso sa kanyang mga kapatid at iba pang mga gawaing bahay.

 

Dahil sa kahirapan, nagsilbi itong inspirasyon sa kanya upang maiahon ang pamilya mula sa kahirapan. Matatandaang naipalabas pa sa programang “Maalala Mo Kaya” o MMK ang kwento ng kanyang buhay na pinamagatang “Bukid”.

 

 At ngayon ay masasabing isa ng megosyante ang dating PBB grand winner at sa wakas at unti unti ng natutupad ni Yamyam ang kanyang mga pangarap lalo na ang maiahon sa hirap ang kanyang mga magulang at kapatid. *

 

Photos from Instagram @Yamyam Gucong



Hindi nito ikinakaila na talaga namang dating hikahos sa buhay ang kanyang pamilya, ngunit masaya sya at nakakapagpundar na sya ng ilang mga Negosyo, mga sasakyan at nakabili na rin ito ng kanilang sariling bahay at lupa.

 

“Isa noon ay nakabili ako ng lupa. Amin na ‘yung sinasakahan namin dati. Tapos bumili rin ako ng sasakyan.” Pahayag ng PBB grand winner.


“May bakeshop. May konting negosyo ako, hindi rin ‘yon akin, para sa kanila rin ‘yon, family business,” dagdag pa ni Yamyam.

 

Sa kasalukayan ay naninirahan sa Manila si Yamyam habang ang kanyang pamilya naman ay nakatira sa kanilang probinsya sa Bohol.

 

Nais niyang maging inspirasyon sa iba lalo na sa mga kabataan ngayon na nais makamit ang kanilang mga pangarap. Para sa kanya, minsan kailangan natin ng kaunting sakripisyo sa buhay at malayo sa ating pamilya para makamit ang ating mga pangarap para sa kanila.

 

“Ang advice ko lang is always pray talaga sa Panginoon natin,” aniya.

 

“I-relate ko lang sa nangyari sa akin. Sobra akong na-stress na mapalayo sa kanila, so isipin mo na lang kung gaano kahirap ang buhay mo dati at ano ang inspirasyon mo sa buhay para maibigay at ma-provide mo sa mga mahal sa buhay. Manalangin ka lang at ibibigay ‘yan ng Diyos.” Dagdag pa nito. *