After 12 rejections, 66-anyos na lolo nakapasa na sa interview at isa nang proud call center agent - The Daily Sentry


After 12 rejections, 66-anyos na lolo nakapasa na sa interview at isa nang proud call center agent





Gaano man kahirap ang buhay, patuloy pa rin tayong lumalaban sa araw-araw at nananatiling puno ng pag-asa. Marahil likas na sa ating mga pinoy ang pagiging positibo sa kabila ng mga suliranin na ating pinagdaraanan. 

Labis mang sinusubok ng kasalukuyang sitwasyon ang ating pasensya, hindi pa rin natin maikakaila na maraming leksyon tayong natututunan sa buhay nang dahil dito. At sa mga panahong naiisip natin na tayo na ang pinakakawawang tao sa mundo, ay bigla na lang tayong masosorpresa sa kwento ng ibang tao na mas hirap pa pala kaysa sa atin subalit patuloy na lumalaban sa agos ng buhay. 

Tulad na lang ng kwento ng kahanga-hangang lolo na ito na trending ngayon sa social media. 

Ayon sa netizen na nag-post ng larawan ng hindi pinangalanang matanda, binili ni lolo ang kanyang binebentang table online. 

Tila nagkaroon ng kaunting kwentuhan ang dalawa dahil sa ibinahagi ng naturang netizen tungkol sa naging buyer nito. 

Kwento nya, ang binili umano sa kanya na lamesa ng matanda ay gagamitin raw nito para sa kanyang trabaho na work-from-home set-up. Nakapasa na kasi umano sa wakas si lolo sa kanyang ina-apply-an na call center. Ito ay matapos ma-reject ang matanda ng labindalawang beses o 12 times mula nang sumubok itong mag-apply para sa nasabing posisyon. 
 
Caption ng netizen sa kanyang Instagram story "This man bought my old computer table. Kay ma wfh man sya call center."

66-anyos na sa kasalukuyan si lolo, ayon pa sa netizen.

"He's 66 years old after failing 12 interviews, he finally made it. It's never too late y'all."
 
Naging simbolo naman ng pag-asa sa nakararami ang storya ni lolo dahil hindi ito sumuko sa kabila ng napakaraming rejections na pinagdaanan nya, at lalong hindi naging hadlang ang kanyang edad para makamit nya ang kanyang minimithi.

Narito ang ilang comment ng mga netizen:








Narito ang actual post: