 |
| Larawan mula sa Facebook |
Nitong nakaraan lang ay kumalat sa social media ang video ng
isang food delivery rider na umiiyak dahil ninakaw ang kanyang bike habang hinihintay
ang order na cake na dapat sana ay kanyang idedeliver.
Ang video ay unang binahagi ng netizen na si Raymond
Bartolome kung saan ay humahagulhol ng iyak ang kawawang delivery rider.
Ang bisikletang gamit ng rider na kinilalang si Joshua ay binili
niya sa halagang P18, 000 para magamit sa pag dedeliver. Gumastos din siya ng
P40,000 para mapaganda ang kanyang bike, kaya naman talagang kahit sino ay maiiyak
sa nangyari.
Ayon pa kay Joshua, matapos niya kunin ang order ay hindi na
niya mahagilap ang kanyang bisikleta na akala pa niya ay sa ibang lugar niya
naiparada.
“Pumasok ako ng mall para kunin ‘yung order na cake ng
customer. May padlock po akong laging dala para hindi manakaw yung bisikleta
ko. Pero pagbalik ko, wala na ‘yung bike ko sa pinagparadahan ko!” Ani Joshua
At dahil nga mahal ang kanyang bisikleta na tanging gamit niya
sa kanyang pinagkakakitaan ngayong panahon ng pandemya ay talagang napalumpasay
at hagulhol ang pobreng rider.*
 |
| Larawan mula sa Facebook |
“Napakaimportante po ng bisikletang ‘yun. Siya ‘yung kasama
ko nu’ng walang-wala talaga kami. ‘Yun lang ang kasama ko para may maiuwing
pagkain sa pamilya ko.” Ayon pa sa rider
“Hindi naman ako nangloloko ng tao. Pero bakit sa akin pa
nangyari ‘to? Parang hindi na po sila
naawa. Naghahanapbuhay lang naman po ‘yung tao.” dagdag pa niya
Dahil dito marami ang naawa at tumulong kay Joshua matapos
mapanood ang kanyang video na nagtrending sa social media.
Isa na rito ang ‘motovlogger’ na si Team Katagumpay na
binigyan si Joshua ng isang bike, helmet, ilaw, bottle holder, face mask at
pang-limang araw niyang sahod.
 |
| Larawan mula sa Facebook |
At nitong nakaraang Biyernes naman ay ang vlogger na si Motor
ni Juan naman ang nagpaabot ng tulong sa kanya, binigyan siya nito ng repossessed
na motor.
Walang mapag sidlan ang tuwa ni Joshua matapos matanggap ang
sunod-sunod na tulong mula sa kapwa mga rider.
“Doon po sa mga tumulong sa akin, sobra-sobra po ang
pasasalamat ko sa inyo. Mabuhay po kayo!” aniya.
