Albert Einstein/photo courtesy of the Plaid Zebra
Ayon sa isang pag-aaral, senyales daw ng isang matalino at malikihain ang isang
taong may magulong mesa o work area.
Ngunit
tila taliwas ito sa madalas nating naririnig mula sa ating mga magulong noong
tayo ay bata pa na palaging linisin at ayusin ang ating mga kapaligiran kung
saan tayo ay naglaro, o maging ang ating pinagkainan. *
Ayon sa
pagsusuri na isinagawa ng University of Minnesota, sinasabi na ang mga taong
nagtatrabaho na mayroong magulong workstation ay mas malikhain at madiskarte
kumpara sa mga taong laging nililinis ang kanilang mga mesa.
Dagdag pa
ng pagsusuri, mas maraming nagagawang trabaho at mas nakapaglalabas ng kanilang
talino at ideya ang mga taong nagtatrabaho ng may magulo ang work desk.
Ilan sa
mga rason mula sa pag-aaral ng University of Minnesota kung bakit senyales ng
pagiging matalino ang magulong lamesa.
Una raw
dito ay hindi raw nalilimitahan ang pagiging mapamaraan at malikhain ng isang
taong walang sinusunod na sistema, kabilang ang pag-aayos ng kanilang office
desk.
Pangalawa,
mas maraming nagagawang trabaho ang mga taong may makalat na mesa dahil sa
mabilisang paghahanap ng solusyon sa mga sulirain. Dahil na nga sa
kanilang magulong mesa,
kadalasan sila ay nagmamadali sa paghanap nito, na kung
minsan ay hindi mahanap ang mga mahahalagang bagay na kailangan sa trabaho.
Kaya naman sila ay nakahahanap ng alternatibong solusyon at ideya sa kanilang
mga trabaho.
“Disorderly
environments seem to inspire breaking free tradition, which can produce fresh
insights, while orderly environments, in contrast, encourage convention and
playing it safe,” paliwanag ni Kathleen Vohs, psychological scientist ng
University of Minnesota. *
Sumang-ayon
naman Northwestern University sa pag-aaral na ginawa ng University of
Minnesota. Kung saan ayon sa pagsusuri mas mabilis humanap ng solusyon at mas
malikhain ang mga empleyadong mayroong magulong mesa sa kanilang
pinagta-trabahuhan.
“Being in
a messy room led to something that firms, industries, and societies want more
of: Creativity,” pahayag ni Vohs.
Dagdag pa
rito, ang magulong workdesk daw ng isang nagtatrabaho ay palatandaan ng mas
madali nilang naa-access ang mga kailangan nila upang matapos agad ang kanilang
trabaho.
At
panghuli, sinasabi sa pag-aaral na ang madalas na pag-aayos ng mga gamit ay
nagdudulot nang pag-ubos sa enerhiya bago pa man simulan ang isang
gampanin.
Kadalasan
pa umano, bago pa man magsimulang magtrabaho ang mga taong masisinop ay
nililinis muna nila ang kanilang mesa na siyang nagpapatagal at kumukonsumo sa
kanilang pagod at oras.
Madalas
ay nasisira ang focus ng isang taong masinop kapag may nagulo sa kanyang gamit,
at nadadamay na ang kanyang pagtatrabaho.
Binigay na halimbawa din ang ilang sikat na personalidad tungkol
sa pag-aaral na ito ang pagiging matagumpay at aminadong walang panahon para
linisin ang kanilang mesang ginagamit sa pagtatrabaho.
Kabilang sa mga kinikilalang tao na hindi rin maayos ang mesa ay
sina J.K Rowling, author ng Harry Potter, Steve Jobs, Thomas Edison, Mark
Zuckerberg, at maging ang henyo na si Albert Eistein.
Sa kabilang banda, hindi naman daw masama ang pagiging malinis at
organisado. Marami din naman daw itong naibibigay na benepisyo at naka-depende
naman daw ito sa personalidad ng isang tao kung ano ang mas kapaki-pakinabang
sa kanya
