Panindang hipon ng isang lola, tinapon ng mga tanod sa kalsada matapos ipagbawal ang pagtitinda

Photo courtesy of Facebook @Cavite Connect

Marami sa ating mga kababayan ang nakararanas ng kahirapan dahil sa pandemyang dulot ng Corona virus. Nagdeklara ng lockdown ang pamahalaan upang mapigilan ang pagdami ng mga apektado nito. 

Naging mahirap ang pamumuhay para sa marami nating mga kababayan, at hindi sapat kung aasa na lamang sa ayuda mula sa pamahalaan. *

Kaya naman kanya-kanyang paraan ang ginagawa ng marami sa ating mga kababayan. Nariyang pinasok ang online selling ng kanilang mga produkto, ang iba naman ay delivery service, at iba pa, mairaos lang ang pang araw-araw na pangangailangan.

Isa na rito ang sitwasyon ng isang lola mula sa Malingas, Dagupan, na kahit sa labis nang katandaan ay nakukuha pa rin maghanap buhay sa pamamagitan ng pagtitinda ng hipon sa palengke upang may maipangtustos sa kanyang pamilya.

Ngunit  sa kasamaang palad, natyempuhan si lola ng mga walang pakundangang barangay tanod sa kanilang lugar at imbes na pagsabihan na lang muna ay tinapon na lang sa kalsada ang kanyang mga tinitindang hipon.

Ayon sa mga concerned citizen na nakakita sa pangyayari, nagtitinda ng hipon si lola sa gilid ng sidewalk dala ang kanyang mga balde at tray na lagayan ng mga hipon. *

Photo courtesy of Facebook @Cavite Connect

Bagaman sinabihan na ang matanda na wala syang maayos na stall, kaya hindi sya pwedeng magtinda hipon sa nasabing lugar.

Nagmamakaawang nakiusap ang matanda na kung maaari ay payagan syang magtinda dahil ito lamang ang kaya nyang gawin at tanging magpagkakakitaan dahil na rin sa kanyang katandaan.

Ngunit tila nagtengang kawali ang mga barangay tanod sa nasabing lugar, at hindi nila pinagbigyan ang kahilingan ng pobreng matanda o di kaya ay bigyan na lamang na matinong lugar kung saan maaari itong makapagtinda kahit sa isang maliit na sulok lamang.

Nagalit ang mga ito, at pwersahang pinaalis si lola at ang masama pa ay nagawa pang itapon ang kanyang mga panindang hipon sa gilid ng kalsada. Wala nang nagawa ang pobreng matanda kundi ang umiyak na lang habang dinadampot ang kaniyang mga natapong paninda. *

Photo courtesy of Facebook @Cavite Connect

Maraming mga tao ang naka-saksi sa ginawa ng mga tanod sa paninda ni lola. May isang concerned citizen ang nag-upload ng mga larawan ni lola at agad itong kumalat sa social media. Maraming netizens ang naawa at nagreact sa ginawa ng mga abusadong barangay officials sa kaawa-awang matanda.

Ayon sa post ng isang concerned citizen na may caption itong, “Kawawa naman si lola na nagtitinda ng hipon sa gilid ng Maligas sa Dagupan, tinapon yung mga paninda nya dahil bawal daw magtinda dun, pwede naman sabihan si Lola na bawal pala dyan magtinda hindi yung itatapon nyo paninda nya, yan lang naman alam ni lola na mapapagkakitaan para mabuhay ipagkakait nyo pa! May pandemic na nga lalo nyo pang pinahirapan si lola.”

Makikita sa larawan na maraming tao ang nakakita sa pangyayari ngunit wala ni isa sa mga taong ito ang tumulong sa matanda habang isa-isa nyang dinadampot ang mga panindang hipon.*

Photo courtesy of Facebook @Cavite Connect

Kalaunan, ay may isa sa kanyang mga kasamahang vendor ang tumulong sa kanya na damputin ang mga paninda.

Maraming netizens ang nagpahayag ng galit at pagkadismaya sa mga walang awang barangay officials na gumawa nito kay lola. Karamihan sa kanila ay humihingi ng hustisya upang pananagutin ang di angkop na pagtrato sa matanda na nais lamang kumita ng kaunti upang may maipangbili para sa kanilang mga pangangalangan sa araw-araw.

Narito ang mga komento ng mga netizens sa insidente:

“Sana po pag tayo nagpapatupad ng batas konting respeto po lalo n sa mga matatanda wag kang angas ha kalma lang po”

“Sana hnd nyo tinapon kinausap nyo lng ng maayus wla kyong awa sa lola salbahe Kyo sna matanda nyo ganyan din ang gawin sa inyo dapat Kyo maparusahan sa ginawa nyo sa matanda.”

“Klangan b tlg itapon?! Nu klase tao yn dpat bigyan rn leksyon ung gumawa yn d makatao eh. Kh8 Sabihin p ntin matigas ulo ng nagtitinda pro d dapat itapon paninda nla kc namumuhunan rn yn cl pr may mailatag s hapag kainan. Bigyan nyo tamang lugar pr makapagtinda...sita kau ng sita d nyo nman binibigyan ng space pr makapagtinda ng maayos”

“Ang mahal ng puhunan ng mga hipon na paninda ni lola gsto lng niya maghanap buhay para my pantustus sa araw2 na pamumuhay nila tapos itatapon niyo lang!anong klaseng mga tao kayo at anong utak meron kayo!hindi kayo nkakatulong kundi dagdag problema kayo sa lipunan mga mayayabang.” *