 |
| Tatay Vener Lucero | Photo Courtesy: Mikel Ebreo |
Kusang lumalabas ang pagbabayanihan nating mga Pinoy sa oras ng pangangailangan sa kahit ano mang klaseng mga problema o kalamidad ang sumusubok sa ating katatagan, paghahanda at pananampalataya.
Katulad nalang ng pananalasa ng sunod-sunod na malalakas na bagyo sa bansa na pinalubog ang maraming lugar at nag-iwan ng matinding pinsala sa maraming kabuhayan ng ating mga kababayan na hanggang ngayon ay paunti-unti paring bumabangon.
Hinangaan at sinaluduhan ng mga netizen ang angking kabaitan at kabayanihan ng isang matandang may kapansanan or Person With Disability (PWD) na si Vener Lucero dahil kahit pa sa kanyang kalagayan hindi ito naging hadlang sa kanya upang magbigay tulong sa mga nasalanta ng bagyo.
 |
| Photo Courtesy: Mikel Ebreo |
Sa post ni Mikel Ebreo, isang empleyado sa isang kilalang pawnshop at remittance center, ibinahagi niya ang isang magandang larawan kuha niya nang magdonate si Vener Lucero sa pamamagitan ng GMA Kapuso Foundation.
"Flex ko lng po ang isa sa my mabuting puso, c Kuya VENER LUCERO ng Barangay Mabini Lipa City Batangas, sa kabila po ng kanyang kalagayan ay nakuha pa nyang magbigay at magdonate sa mga nasalanta ng bagyo ulysses, sa pamamagitan ng GMA kapuso Foundation through Cbuana Lhuillier Pera Padala," saad ni Ebreo sa kanyang post.
"I salute you po Kua Vener, Mabuhay po kayo At godless u po..👋👋👋," dagdag niya.
“Kahit pwede naman siya sa priority lane kasi PWD, matiyaga siya pumipila if ever na may nauuna sa kanya. Tsaka wala po siyang reklamo kahit ganun ang kalagayan niya,” Ebreo shared in his interview with the Philippine STAR.
 |
| Photo Courtesy: Mikel Ebreo |
“Pangako daw po niya sa sarili niya na ‘pag may extra siya kahit na maliit na halaga eh tutulong siya. Sabi pa po niya, ‘yung maliit na halaga ‘pag pinagsamasama, malaki ang maitutulong,” he shared.
Umani ng mga papuri mula sa mga netizen ang angking kabaitan na pinakita ni Tatay Vener at pinasasalamatan nila ang matanda.
