 |
| Screencap photos from ABS CBN News |
Tulong-tulong ang mga residente at
mga estudyante para makapagtayo ng sarili nilang classroom sa tuktok mismo ng
isang bundok sa barangay Taguytoy, Camalig, Albay.
Tanging distance learning pa rin
ang paraan upang mabigyang daan ang muling pagbubukas ng klase dahil sa patuloy
pa rin na pagtaas ng mga tinatamaan ng covid19 sa bansa. *
Kaya naman gumawa ng sariling diskarte
ang mga magkakapitbahay para sa kanilang online class. Katuwang sa pagpapagawa
ng kanilang online classroom ay ang kanilang mga magulang at mga mag-aaral
kabilang ang 4th year education student na si Marvin Joshua Nupia na
syang nakaisip ng proyekto.
Ayon kay Marvin, nadiskubre nya
na may signal ng internet sa tuktok ng bundok kung saan ay madalas nilang
puntahan. Naisipan nyang dito na magtayo ng isang kubo na magsisilbing
classroom ng mga estudyante sa kanilang lugar.
Nagkusang loob din na tumulong
ang ilang mga magulang ng mga bata para na rin sa kapakanan ng kanilang mga
anak upang mas mapagaan ang kanilang pag-aaral sa online class.
“Tinulungan ko sila, para
naman po kumportable naman po ang sitwasyon ng mga bata. Wala rin naman po kasi
akong ginagawa kaya’t tinulungan ko sila.” Sabi naman ni Mang Reynaldo
Bigcas residente sa nasabing lugar. *
 |
| Screencap photos from ABS CBN News |
Naaawa din umano si Marvin sa mga
batang estudyante sa kanilang barangay dahil kung saan saan pa naghahanap ng
lugar ang mga ito para lang makasagap ng signal para sa kanilang online class
at research para sa kanilang mga modules.
“Mahirap ang signal dito sa
amin at may mga spot lang o lugar na may malakas na signal ng internet. Nung
nadiskubre namin ito, marami ng nag online class at dito na rin sila
nag-oonline session at pagsasagot ng kanilang modules.” Pahayag ni Marvin
Joshua Nupia sa panayam sa kanya ng ABS-CBN news.
“Nakita namin na nahihirapan
ang mga estudyante kaya naisipan naming magpagawa ng online classroom na ganito
upang hindi na sila masyadong mahirapan, hindi na sila mag-iisquat, yung iba
nakatayo lang pero ngayon magiging komportabble na sila.” Dagdag pa ng binata. *
 |
| Screencap photos from ABS CBN News |
Laking tuwa naman ng mga
estudyante sa kanilang barangay dahil nabigyan na sila ng lugar kung saan ay
may malakas na signal ng internet at kumportable na silang makakapag aral ng kanilang
mga modules.
“Hindi na po kami masyado
maiinitan at hindi na po nakakapagod mag-squat dahil may upuan na at
masisilungan,” ani Jasmin Mariño isa sa mga estudyante.
“Mas maganda po ngayon kasi
kapagka mainit sa umaga, ay may masisilungan na at tsaka po pag may research namn
kami sa gabi sa mga modules namin, di na po kami mahahamugan.” Dagdag pa ng
isang estudyante.
At dahil hindi pa rin natatapos ang krisis sa pandemanya, hindi pa rin bumabalik sa normal na face to face to ang klase sa mga paaralan sa buong bansa. Kaya mainam na nakakaisip ng mga pansamantalang solusyon ang ating mga kababayan. *
 |
| Screencap photos from ABS CBN News |
