Ano nga ba ang kwento sa likod ng kahindik-hindik na nangyari sa beteranang aktres na si Nida Blanca

21 taon na ang nakakalipas simula nang gimbalin ng balitang pumanaw na ang sikat at beteranang aktres na si Dorothy Jones o mas kilala bilang si Nida Blanca.
 
Marami ang nagulantang sa kahindik-hindik na pangyayari at marahil dahil na rin sa iba’t ibang kontrobersya at teorya ang lumabas sa pagkakapaty sa aktres noong Nobyembre 7, 2001.

 
Nadiskubre ang katawan ni Nida, na noo’y 65-taong gulang, sa likod ng kanyang sasakyan na nakaparada sa Atlanta Centre building sa San Juan.
 
Sa isang artikulo na nilathala ng PEP ilang buwan matapos pumanaw ng beteranang aktres ay lumabas mga teorya kung sino ang gumawa niyon kay Nida.

Larawan mula sa Yes! Magazine

 
Ang pangunahing pinaghihinalaan noon ay ang asawa ng aktres na si Rod Strunk dahil nagalit daw nang hindi iwanan ng pamana at lahat ay mapupunta sa nag-iisang anak ni Nida na si Kaye.
 
Ayon sa teorya, hindi napapayag ni Rod si Nida na gumawa ng will and testament kaya naman nag hire ito nang ta-trabaho sa asawa.
 
Maliban dito, hindi na rin daw maganda ang samahan ng mag-asawa at napabalita pa umanong may ibang babae si Rod at sinasaktan daw nito si Nida.*
 
At sa lahat ng lumabas na teorya, ito ang pinaka-pinaniwalaan ng publiko na galing din mismo sa Task Force Marsha na binuo ng PNP upang lutasin ang kaso.
 
Ngunit may ilang personalidad naman ang hindi kinagat ang teoryang ito, isa na dito ang beteranang radio host na si Inday Badiday.
 
“I admit, after covering the story for how many days, that I am sympathetic. Fall guy siya dito.
 
"So analysis ko sa kanya, small mind lang siya, mababaw ang kaligayahan.

Larawan mula sa Yes! Magazine

 
"He’s not capable of masterminding something as grand as this.” Ayon sa sinabi ni Inday base sa ulat ng Yes! Magazine
 
Sa pangalawang teorya, eksaktong 13 araw pagkatapos ng pumanaw ni Nida, ang Task Force Marsha ay nag-organisa ng isang press conference at isang lalaking nakasuot ng all black, si Philip Medel, ay lumitaw sa kumperensya at dineklara na siya umano ang gumawa.
 
Ayon kay Medel, binayaran daw siya ng isang middleman na nagngangalang Mike Martinez para gawin ang trabaho.
 
Paliwanag ni Medel, hindi niya alam na ang target niya ay ang beteranang aktres at hindi kinaya ng kanyang konsensya nang malaman niyang biktima niya si Nida.
 
Ngunit makalipas ang apat na araw ay binawi ni Medel ang kanyang pahayag at sinabing pinilit umano siyang sabihin iyon.

Larawan mula sa Yes! Magazine

 
At ikatlong teorya ay isyu sap era, at si Nida umano ay involved sa isang malaking politico.
 
May malaking pera daw na pinagkatiwala kay Nida habang may kinakaharap itong kaso.
 
Nais daw ibalik ng aktres ang pera ngunit may mga gahaman sa partido na pumigil sa aktres na isauli ang pera kaya siya ay tinuruan umano ng leksyon.

 
Ngunit may ilan namang kumuwestyon sa teoryang ito, isa na dito si Elena dela Paz, ang sekretarya ni Nida. 
 
“Walang pera si Nida lately. Inutang pa nga niya nitong nakaraan ang pension ni Rod,” ayon umano sa pahayag ni Elena
 
At ang ika-apat na teorya naman ay ang umano’y listahan ng mga taong may malaking pagkakautang sa isang casino debtor na pinagkatiwala kay Nida nang magkasakit ang kaibigan na may hawak nito.
 
Samantala, Hulyo ng taong 2002 nang tuluyang sampahan ng kaso ng NBI si Rod, ngunit nakaalis naman ito ng bansa bago pa ito makasuhan.
 
21 na ang nakakaraan, ngunit habbang ngayon ay wala pa ring linaw kung sino talaga ang gumawa noon kay Nida.

Noong 1950s ay mas kilala si Nida na leading-lady material ng mga sikat na artistang lalaki, pero mas naging hit ang kanyang love team kay Nestor de Villa.

John en Marsha | Larawan mula sa Google

 

Nakilala rin si Nida bilang Marsha sa hit na TV series na John en Marsha katambal ang King of Comedy na si Dolphy na gumanap naman na John Puruntong.