Kumare, nagalit at rumesbak sa Ninang ng kanyang anak: Puro nalang kayo tanggi, kalimutan niyo na ang pagiging Ninang at Ninong niyo! - The Daily Sentry


Kumare, nagalit at rumesbak sa Ninang ng kanyang anak: Puro nalang kayo tanggi, kalimutan niyo na ang pagiging Ninang at Ninong niyo!



Larawan kuha mula sa post ni Ni Ho
Nagalit ang kumare ni Ni Ho nang malaman nito na naglabas siya ng kanyang saloobin sa social media bilang Ninang ng anak ng kanyang tinuturing na kaibigan, tungkol sa naging asal at pakikitungo nito sa kanya.

Ito'y matapos di niya napagbigyan ang demand ng kumare na regalohan ng isang branded na sapatos ang anak nito, dahil sa nakakasawa at nauumay na palagi nalang daw laruan ang natatanggap nito mula sa kanila.

Sa naunang post ni Ni Ho, ibinahagi niya na ikinagulat niya ang biglaang pag "Good Morning" sa kaniya ng kanyang kumare na ni kahit daw minsan sa mga posts niya ay di niya nakikitang nagla-like.


Buong akala naman niya na tunay ang pangangamusta ng kumare niya sa kanila, ngunit dahil lang pala sa may kailangan itong ipabili na Nike na sapatos bilang regalo daw nila sa kanilang inaanak.

Hanggang sa humantong di umano na binlock na siya ng kanyang kumare.

Larawan kuha mula sa post ni Ni Ho

"May dugtong pa pala si Ate? 'Di ba binlock mo na ako diba? Nabasa mo na yung post ko, kaya nag-PM ka na naman sa akin? Panginoon ikaw na ang bahala sa akin," saad ni Ni Ho.

"Maded*pres ako nito kakaisip sa kanya, ang dami na nga naming problema, nadagdagan pa nito,"

"Patawarin mo sana ako kung hindi ko maibigay ang gusto mo para sa anak mo, wag mo naman sana kaming murahin at pagbantaan," dagdag niya.

"Sapatos lang naman ang hinihingi ko sa inyo para sa anak ko. Wag ka nalang magbigay kung laruan lang din naman ang ibibigay niyo." saad ng kanyang kaibigan.


Pagkatapos daw siyang i-block ng kumare niya, ay galit itong rumesbak at pinagbantaan ang buhay niya.

Larawan kuha mula sa post ni Ni Ho

"Br*ha ka, pag makita kita baka map@tay kita. Wala kang respeto sa akin at nagpost ka pa sa Fb," mensahe ng kanyang kaibigan

"Natural lang na manghingi ako ng regalo sa inyo kasi Ninang at Ninong kayo ni Nikko. Masakit ba talaga sa kalooban mo ang 1200, bumaba pa nga ang presyo sa 700,"

"Palagi nalang kayong tumatanggi na wala kayong pera, eh lagi nga kayong gumagala sa mga posts niyo," dagdag pa niya.

Iginit padin ng kumare niya na, nagbebenta naman daw siya ng ginto na malaki ang halaga pero 'yong sapatos ng anak inaanak niya di niya maibigay.

Paliwanag naman ni Ni Ho na sana naisip din ng kumare at kaibigan niya ang halaga ng kaniyang hinihinging Nike na sapatos.

"Isipin mo din sana ang presyo ng hinihingi mo sa amin. Saan ko naman yan hahagilapin ang 1,200?," sagot ni Ni Ho.

Ngunit tila ayaw parin paawat ng kumare niya na sinabing nagsisisi siya kung bakit sila pa ang kinuha niyang Ninang at Ninong ng kanyang anak.

Larawan kuha mula sa post ni Ni Ho


"Nagsisisi ako kung bakit kayo pa ang kinuha kung Ninang at Ninong ni bb,"

"Kalimutan mo na magkakakilala tayo at kalimutan mo na din Ninang at Ninong kayo ni bb,"

Sa puntong ito, dito na inilabas ni Ni Ho ang kanyang saloobin tungkol sa naging pahayag ng Nanay ngg kanyang inaanak.

"Te, alam natin pareho na ikaw ang kumuha sa amin na maging Ninang at Ninong sa anak mo. Omoo kami at pagkatapos ng binyag ay lagi mo ng sinasabi o nagpaparinig na walang mga damit ang anak mo, binilhan namin diba?," sagot ni Ni Ho sa kumare niya.

"Makalipas lang ang ilang buwan, sabi mo na nagkadengue si bb kaya nagpadala ako ng pera kasi ang sabi mo wala kayong panggastos,"

"Tapos noong nagkita tayo, saktong-sakto lang pamasahe ko pabalik ng CDO, binigay ko sayo kasi nangangailangan ka dahil hindi pa nagpapadala ang asawa mo kaya nanghingi pa ako sa Nanay ko ng pangpamasahe ko," dagdag niya.

Larawan kuha mula sa post ni Ni Ho

"Kada may hinihingi ka, pag meron lang kami nagbibigay agad kami. Wag mo naman sanang ding abusuhin ang mga tulong namin sa inyo. Maawa ka din naman sa amin Te, marami din kaming mga obligasyon na dapat unahin,"

"Nasasayo lang din naman kung ayaw mo na kaming ipakilala sa anak mo basta mabuti ang aming hangarin at hindi ka namin ginawan ng masama,"


Narito ang kanyang unang buong post na isinalin sa salitang Tagalog:


Ate? Why o why binlock mo ako? Magrerepy pa sana ako sayo. 

At first, nagulat ako nung nag Good morning ka sa akin? Even like sa mga post ko, hindi ka naman nagla-like. Masakit sa parte namin na sabihan mo na nakakasawa na ang mga laruang binibigay namin sa anak mo.

Everytime, nagbibigay kami ng laruan sa anak mo, natututuwa naman siya?

Kahit pa nga na hindi pasko at sa tuwing nagkikita tayo ay binibigyan namin yan ng pera, at binibilhan ng damit. Te, hindi pa naman siguro marunong mag-appreciate ang 1 year old na bata, di pa naman yan marunong mag demand sa kung ano ang kanyang mga gusto. 

Sobrang gipit namin ngayon dahil sa meron din kaming pinag-lalaanan sa pera, pero lahat ng mga laruan na binibigay namin sa anak mo ay bukal sa aming kalooban. Huwag mo namang sabihin sa amin na mayabang kami kasi hindi hindi kami nagmamayabang. 

Masisira ang ating pagkakaibigan dahil lang sa isang sapatos na gusto mong ipabigay namin sa anak mo. Akala ko totoo ang pangangamusta mo sa amin, meron ka lang pa lang kailangan. Hindi ko naman na sana ito ipopost, pero nasaktan din ang pagkatao ko sa ginagawa mo sa amin. 

Pasalamat ka dahil inedit ko pa to para di makita ang mukha mo at meron padin akong respeto sayo. Sobrang mahal ng 1200 Te, halos nga hindi kami makabili ng kahit tig-100 na sapatos. 

Mula noong inaanaak namin ang anak mo, grabe na talaga ang pagkademanding mo sa amin na dapat mabigyan ng ganito at ng ganyan.

***

Source: Ni Ho 1, 2

Stay updated with the latest news and trends by hitting the LIKE button. Thank you!