Magsasaka, inani ang pananim na kalabasa para ipamahagi sa mga apektado ng lockdown - The Daily Sentry


Magsasaka, inani ang pananim na kalabasa para ipamahagi sa mga apektado ng lockdown



Larawan mula sa Tacurong Tambayan
Dahil sa umiiral ngayon na lockdown dulot ng COVID-19 sa Pilipinas, halos lahat ng tao ay walang trabaho at mapagkunan ng pagkain kung kaya naman karamihan na lamang ay nag-aantay ng ayuda mula sa gobyerno.

Bawal din ang lumabas ng bahay at ang tanging ang mga pinapayagan lamang ay ang mga may bibilhin na importante tulad ng pagkain o gamot. 

Tanging ang mga pinapayagan lamang na pumasok sa mga trabahao ay ang mga tinatawag an "Frontliners" o mga nagtatrabaho sa mga ospital, sundalo, pulis, janitor o mga empleyado ng supermarket.

Kung kaya naman halos lahat ay kapos sa pera at pagkain, ngunit tila hulog ng lagit naman sa mga mamamayan ang mga taong may busilak ang puso at handang tumulong sa  mga taong nasa mababang antas ng buhay.

Katulad na lamang ng isang magsasaka sa Barangay Baras, Tacurong City, Mindanao na kahit hirap din sa buhay ay nagawa pa rin niyang mamahagi ng tulong sa mga residenteng apektado ng lockdown.
Larawan mula sa Tacurong Tambayan
Sa pamamagitan ng pag-ani ni Mang Victor Agpalsa sa kanyang mga pananim na kalabasa ay malaking tulong na ito para sa mga residente ng Tacurong na mabibigyan niya ng munting tulong.
Larawan mula sa Tacurong Tambayan
Sa kanyang Facebook post, ibinahagi ni Manong Victor ang tambak-tambak na bagong pitas at sariwa na bunga ng kalabasa upang ipamahagi sa mga tao.

Ibinahagi din ng isang Facebook fan page na "Tacurong Tambayan" ang naturang larawan ni Manong Victor habang kasama ang tambak na bunga ng kanyang pananim na kalabasa na may caption na: "Simpleng pagpapahayag ng kabutihan ng isang Tacurongnon. Siya si VICTOR AGPALSA isang simpleng magsasaka sa Barangay Baras, Tacurong City. Sa kabila ng sariling kahirapan bilang magsasaka dahil sa kalamidad ngayon hindi siya nag atubiling ipamahagi sa mga tao ang kanyang munting ani ng kalabasa upang makatulong sa mga nangangailangan." ayon sa caption.

Marami ang humanga sa ginawang kabutihang loob ni Manong Victor at umani ang kanyang post ng mga positibong reaksyon mula sa mga netizen.
Larawan mula sa Tacurong Tambayan
"Touching many of us with your kind heart is a blessing. You are an amazing person! God does not sleep. He will reward you Sir. God bless you more.." ayon sa netizen na si Elvira R. Briones. 

"Good Job po sir, may God bless you a hundredfold for your kindness! sana tularan po kayo ngnakakarami. subrang proud po ako sa mga katulad nyo.." ayon naman kay Ribon Hurtada. 

Ang ginawang kabutihan ni Manong Victor ay patunay lamang na na hindi pa rin nawawala sa mga Pinoy ang diwa ng bayanihan lalo na sa panahon na madaming nangangailangan ng tulong.

****