Online Seller na Nilalait noon, Matindi ang Bwelta sa mga Mapanghusga!

Photo credit to Kat Liam Lucas Trujillo-Ureta | Facebook

Dahil sa pandemya, sadyang marami ang nawalan ng regular na hanap-buhay at mapagkakakitaan. Kaya naman imbes na magmukmok sa kanilang mga tahanan ay marami rin ang naghanap ng paraan kung paano kumita kahit sila ay nasa loob ng bahay lamang.

Isa sa mga hanap-buhay na talaga namang naglipana ay ang pagiging 'online seller'. Marami sa kanila ang makikita sa social media, nagbebenta ng pagkain o ano mang bagay na kapaki-pakinabang.

Isang marangal na hanap-buhay, ngunit bakit nga ba kinukutsa at nilalait ng iba?


Isang netizen ang nagbahagi ng kanyang kahanga-hangang kwento tungkol sa pagiging online seller, na noon raw ay minamaliit lamang ng kanyang mga kaibigan at kamag-anak. Siya diumano ay hinusgahan dahil sa uri ng pagkakakitaan na kanyang pinili.

Ang netizen ay si Kat Liam Lucas Trujillo-Ureta, founder ng Perfect Skin All Naturals na supplier ng organic beauty, cosmetic and personal care products mula sa Bacolod City, na lubhang nagsumikap upang maabot ang mga pangarap, bunga ng kanyang pagtitinda online.

Photo credit to Kat Liam Lucas Trujillo-Ureta | Facebook

Photo credit to Kat Liam Lucas Trujillo-Ureta | Facebook

Sa isang social media post ibinahagi ni Kat kung paano niya naranasan ang pangmamaliit at panghuhusga sa kanya ng kapwa dahil isa lamang siyang 'online seller'.

“Sayang si Kat no, naging online seller lang. ‘Yan ang mga salitang parati kong nariring sa mga kaibigan at relatives ko noon,” ani Kat.

Naranasan din raw niyang i-unfriend sa social media ng mga itinuturing niyang kaibigan dahil sa mga ipino-post niyang mga paninda.

"Naranasan ko na rin na pinag uunfriend ako ng mga taong akala ko friends ko kasi daw puro paninda post ko. Relate din hu kayo ba?" dagdag niya.

Ngunit sa kabila ng lahat ng panghuhusga, ay taas noong ipinagmamalaki ni Kat ang pagiging online seller dahil aniya sa ganoong hanapbuhay ay naabot niya ang tagumpay na hinahangad, tagumpay na posibleng hindi pa naabot ng mga taong humusga sa kanya.

Photo credit to Kat Liam Lucas Trujillo-Ureta | Facebook

Kaya naman buong pagmamalaki din niyang ibinahagi sa lahat ang bunga ng kanyang pagsisikap bilang online seller. Ito ay ang kanyang ipinapagawang bahay na malapit na diumanong matapos.

Sa laki at ganda ng bahay ay siguradong mamamangha ang mapanghusgang komunidad.


Basahin sa ibaba ang nakakainspire niyang post:

"Sayang si kat no, naging online seller lang

Yan ang mga salitang parati kong nariring sa mga kaibigan at relatives ko noon

Naranasan ko na rin na pinag uunfriend ako ng mga taong akala ko friends ko kasi daw puro paninda post ko. Relate din hu kayo ba?

Well anyway, One proud online seller here

Almost 2 years of planning malapit ka na rin matapos

A 638sqm lot area and 721sqm total flr area situated in a private and guarded subd in the heart of bacolod city. 7 bedrooms and a family theatre, 7 meters wide swimming pool with jacuzzi. 5 spacious car garage and wide garden patio. Anyway, 60% completion pa lang to, wala pang interiors and pati exterior di pa yan tapos

Who would have thought an online seller can do that?

Eto po yung ONLINE SELLER LANG kung tawagin ng mga mapang husgang komunidad.

Kaya sa mga gaya kong online seller jan, taas noo at wag mahiyang sabihin OPO ONLINE SELLER AKO AT PROUD AKO SA TRABAHO KO"

Source:  Kat Liam Lucas Trujillo-Ureta | Facebook