 |
| Screencap photos courtesy of GMA News |
Hindi pa huli ang lahat para sa
taong nais matupad ang pangarap. Walang pinipiling edad kung nais talaga ng
isang tao na makamit ang kanyang mga minimithi sa buhay.
Tulad na lang ng kwento ng isang senior
citizen mula sa Northern Samar na si lolo Merit Majerano, nang makapagtapos ito
kamakailan lang sa junior high school sa programa ng DepEd na ALS o ang
Alternative Learning Program. *
Ayon sa kwento ng guro ni lolo
Merit, noong una ay inakala nilang i-eenroll lamang ng senior citizen ang
kanyang mga anak o mga apo sa kanilang paaralan sa Mondragon, Northern Samar.
Ngunit laking gulat nila, nang sabihin ng matanda na sya mismo ang mag-eenroll.
“Inapproach kami, sabi nya, Ma’am,
magpapa enroll po ako… Ha?! Ikaw tay? Kaya mo? Opo Ma’am, kaya ko. Kaya ko pa
po mag-module.” Kwento ng guro na si Bb. Shayne Allegar Esponilla sa panayam
sa kanya ng GMA News.
Simula noon ay pinatunayan ni lolo
Merit na kaya nya pa rin nyang makipagsabayan sa pag-aaral. Sa katunayan nga ay
napagsasabay nya ang araw araw na pagtatanim sa bukid at ang kanyang mga
modules.
At kahit kung minsan ay nakakatanggap
ng pangungutya ang matanda, hindi nya ito pinapansin at patuloy lamang sya sa
kanyang pag-aaral. *
 |
| Screencap photos courtesy of GMA News |
“Meron nga nagsasabi sa akin, ‘Uy!
Matanda ka na nag-aaral ka pa,’ sabi ko naman, hindi ko ikinahiya kahit matanda
ako.” Sagot ni lolo Merit sa nangangantyaw sa kanya.
Halos apat na dekada ng huminto sa
pag-aaral ang matanda para magtrabaho sa Maynila at muli nyang naisipang
mag-aral muli upang magabayan at maengganyong mag-aral ang kanyang panganay na
anak na isang 16 taong gulang.
Dagdag pa ni lolo, nawawala na sa
hilig sa pag-aaral ang kanyang anak na panganay dahil ito ay nababarkada at
sinasayang lamang ang panahon sa mga walang kabuluhan na bagay.
Noong una ay kumukuha lang ng
module si lolo Merit para sa kanyang teenager na anak, na palagi lang kasama
ang mga barkada. Kaya naman naisipan nya na mag-aral para makita ng kanyang
anak at mapursige rin na mag-aral. *
 |
| Screencap photos courtesy of GMA News |
`“Yung anak ko, gusto kong mag-aral, yan ang kinukuhaan ko ng module, pero nandun lang sya sa barkada na kung anu-ano, kaya yan, gusto ko man makita nya para pupursigihin kong gumawa, at makapagtapos ng pag-aaral pati narin doon sa may mga edad na rin katulad ko na makabalik sa pag-aaral.” paliwanang ng matanda.
Hinahangaan naman siya ng kanyang
mga naging teachers sa ALS dahil nagpakita talaga ng pagpupursige at gegikasyon
sa kanyang pag-aaral na kahir 61 years old na sya ay pinatunayan nyang kaya
nyang makipagsabayan sa kanyang mga kaklase.
Sa ngayon ay balak pa ni lolo
Merit mag-enroll at tapusin ang senior high school at malay natin kung papalarin
ay makapagtapos pa ito ng kolehiyo kung kalooban ng nasa itaas.
Nais ni lolo Merit na magbigay
inspirasyon sa lahat lalo na sa mga kagaya nyang may edad na upana magpursige
sila na mag-aral at hindi hadlang ang pagiging matanda para matupad ang ating
mg apangarap. *
 |
| Screencap photos courtesy of GMA News |
