Supalpal ang inabot ng mga basher ng sexy star na si AJ Raval matapos nitong isapubliko and convo nila ng ex-wife ng kanyang boyfriend na si Aljur Abrenica.

Isang screenshot ng pag-uusap nila ni Kylie Padilla ang pinangresbak ni AJ sa mga netizens na walang tigil na tinatawag siyang kabet at maninira ng pamilya.

Ito ay ibinahagi ni AJ sa isang Facebook post noong February 23. Narito ang mga nilalaman ng kanilang pag-uusap:

AJ: Nag post na ako ng video namin ni aj, I do respect you pero gusto ko na lang din manahimik mga tao and tigil na sila sa kakahuli saamin nanawa na rin ako hehe. I hope everything is fine.

Kylie: Ok naman ikaw? It’s fine ano ka ba. Wala namang issue sakin. Di naman ikaw ang naging problema namin sa relationship namin before. Di ko rin alam paano gagawin sa sitwasyon. Pinaliwanag ko naman na sa mga tao na hindi ka 3rd party. Hay.”

AJ: Okay ako. Yes yes. Salamat sa pagpapaliwanag. Na appreciate ko yon. At humihingi rin ako ng pasensya sa sayo sa inyo sa na cause ko na gulo. Thank you sa understanding. Can I follow you?

Kylie: Magulo na kami before pa ng lahat eh. Magulo lang talaga. Bka may way para maipakita natin na ok naman na ang lahat. Mag iisip ako ng paraan. Kasi ayoko din yung nangyayari. Nag cacause ng stress of both sides na pwede naman maging ok tayo. Gusto ko mag thank you na inalagaan mo mga babies ko. it means everything na minamahal mo rin sila.

Sa kanyang pinakabagong vlog, ibinahagi ni Whamos Cruz ang kanyang pagbisita sa isang pamilya na nakatira sa ilalim ng tulay sa Mendez, Cavite.

Sa tabi ng malalim na bangin kasama ang kanilang tatlong anak ay halos isang taon ng naninirahan sa ilalim ng tulay ang kawawang pamilya. Wala silang kuryente at tubig, natutulog lamang sa malamig na bato gamit ang manipis na kutson.

Ume-extra ng paglalaba at pagpa-plantsa ang butihing ina na si Me-an habang ang asawa naman nito ay namamasukan bilang janitor sa isang eskwelahan.

Delikado ang lagay ng pamilya dahil sa isang maling pagkakamali lang ng mga ito, lalo na ng mga bata ay maari silang mahulog sa malalim na bangin. Tanging ang manipis na kahoy lang ang nagsisilbing harang nila dito.

Dahil hindi sapat ang kita ng mag-asawa, hindi na nila iniisip pa na mangupahan dahil kung gagawin nila ito ay maaaring wala ng matira sa kanila na pangkain.

Batid ni Whamos ang hirap ng sitwasyon ng pamilya dahil siya mismo ay nakaranas ng pagtitiis, dumudumi pa nga raw ito noon sa kanal dahil wala silang sariling palikuran.

Mula raw ng mapanood niya ang estado ng mga ito sa isa pang vlogger na si Kuya Leo Cares ay kaagad na nitong pinlano ang pagtulong sa pamilya.

Dali-dali itong bumyahe mula Maynila patungo sa Cavite upang personal na iabot ang kaunting tulong at ihatid ang magandang balita kila aling Me-an.

Agad na binigyan ni Whamos ng makakain ang pamilya at binigyan ng limang libong piso para panggastos.

Matapos ang maiksing panayam ay hindi na ito nag atubili na alukin ang pamilya na lisanin na ang delikadong lugar at tumira sa mas maayos na tahanan.

Sasagutin na daw nito ang isang taong bayad sa upa kasama na ang pagbili ng ilang kagamitan tulad ng electric fan at groceries para sa pang araw-araw ng pamilya.

Laking pasasalamat naman ng mga ito sa biyayang natanggap mula sa vlogger sa pinangako nitong bagong buhay at bagong pag-asa para sa kanila.

Plano pa nitong bilhan ng mga bagong damit ang mag-anak nang sa gayon ay mas maayos nilang haharapin ang kanilang bagong panimula.

Lumisan si Whamos at iniwanan ang pamilya na may ngiti at baon baon sa kanilang puso ang pag-asa. Ang pangarap na makatakas sa madilim at malamig na ilalim ng tulay kung saan nagtiis silang manirahan ng pitong buwan.

Source: Whamoscruz | Facebook

Marami ang na-touch sa tagpong ito kung saan isang grade 7 student ang nagpakuha ng litrato sa kanyang guro gamit ang kanyang lumang modelo ng selpon.

Mismong ang kanyang teacher na si Mark Anthony Tumbaga pa ang nagbahagi sa publiko ng bidyo ng pangyayaring ito sa kanyang social media account na TikTok.

Mapapanood sa video na in-upload ng guro ang paglapit ng kanyang estudyante habang sila'y nasa silid-aralan.

Masaya itong humiling sa guro ng selfie pic na walang atubili namang pinagbigyan ng kanyang maituturing na pangalawang magulang.

"Grade 7 students gustong magpapicture using di-keypad. Ayus lang nak," ani Mr. Tumabaga.

Sa dami nga naman ng mga mag-aaral ngayon na high-tech na ang mga gamit na cellphone ay natatangi ang pagmamay-ari ng estudyante na ito.

Kahit naman mumurahin ay tiyak na magagamit naman ang ganitong klase ng selpon para sa komunikasyon.

Pero hindi pa rin maihahambing sa ibang mga mamahaling cellphones na pwedeng magamit ng mga estudyante sa pagre-research at pag-edit ng mga projects.

Gayunpaman, matapos makapagpakuha ng litrato sa kanyang guro ay kitang-kita naman sa mga ngiti ng pobreng estudyante ang nadama nitong kasiyahan.

Ipinakita rin sa in-upload na video ni sir Mark ang resulta ng kanilang selfie na nakapagdagdag kiliti pa sa mga libu-libong netizen na napukaw ang damdamin sa tagpong ito.

"Yun lang kalahati ng muka ko nakuha" pabirong sabi ng guro.

Kahit na malabo o blurred ang kuha nila ang importante daw ay nakita niyang masaya ang estudyante niya.

Hiling naman ng mga netizens na sana'y mabiyayaan ng mas makabagong cellphone ang bata ngayong sasapit na kapaskuhan.

Source: Mark Anthony Pi-is Tumbaga | Facebook