"KAKA-SELPON MO YAN!" Ito ang madalas lumabas sa bibig ng mga magulang tuwing nagkakamali, nagkakaroon ng pagkukulang o nakakakuha ng mababang marka sa eskwela.

Pero sa pagkakataong ito ay ginawang parusa ng isang tatay ang kinahuhumalingang video games sa cellphone ng kanyang anak. Dahil imbis na pigilan ay pinuwersa niya itong maglaro hanggang sa ito'y masuka.

Nahuli ng isang ama na kinilalang si Huang na pasikretong naglalaro ang kanyang 11 taong gulang na anak ng mobile games bandang ala una ng madaling araw.

Binidyo pa nito ang parusa sa anak at ibinahagi sa Douyin na mabilis din namang nag-viral sa mga lokal na pahayagan at social media.

Balak nito na paglaruin ng 24 oras ang bata ng walang pahinga! Bandang 7:30 ng umaga ay gising na gising pa at tila nag-eenjoy sa paglalaro ang kanyang anak, dahilan para abisuhan ni Huang ang guro nito at sabihang hindi na muna papasok ang bata.

1:30 ng tanghali ay hindi na napigilan ng bata ang pagod at puyat kaya nakatulugan na nito ang kanyang paglalaro. Labing dalawang oras na paglalaro pero hindi pa dito natatapos ang kanyang kalbaryo.

Ginambala ni Huang ang mahimbing na sanang tulog ng anak at sinabihan ito na ipagpatuloy lang ang kanyang paglalaro na siyang sinunod naman ng mala- lantang gulay na bata.

Matapos ang mahigit 17 oras (6:30 ng hapon), naglabas ng puting bandera ang bata at sumuko sa hamon ng ama. Humingi ito ng kapatawaran at nangakong hindi na maglalaro ng mobile games kapag oras na ng tulugan.

Nagkaroon ng kasulatan at nagkasundo naman ang mag-ama matapos nilang mag-usap.

Na-alarma man ang karamihan sa mga netizens sa naging paraan ng pagdidisiplina ng ama, nilinaw naman ni Huang na masunirin naman ang kanyang anak at ito'y pagbibigay lang ng leksyon.

Siniguro rin nito na nasa hustong pangangatawan ang anak para kayanin ang parusa at hindi iminumungkahi na gayahin ng ibang mga magulang ang kanyang sariling pamamaraan.

Source: philstarlife.com

Ang pagpilit sa iyong anak na yumakap at kumandong sa kamag-anak na labag sa kanilang kalooban ay maaaring magturo sa kanila na tanggapin ang ano mang paglabag sa kanilang 'private space' at akalain na normal lamang ang pang-aabusong sekswal at pisikal. Mahalaga na ating respetuhin ang 'physical privacy' ng ating mga anak.

2. Huwag pilitin na humingi ng tawad ang mga bata kung hindi pa sila handang gawin ito.

Ang pagpilit sa inyong mga anak na humingi ng tawad na labag sa kanilang kalooban ay maaaring magdulot ng kahihiyan at galit. Mas mahalaga diumano na pag-usapan niyo ng inyong anak kung ano ang naging problema at maunawaan niya ang nagawang mali at antayin nitong matanggap ito at humingi ng tawad. Sa ganoong paraan malalaman niya na dapat ay kusang loob ang pagpapatawad at hindi pinipilit lamang.

3. Huwag pilitin ang mga bata na magbasa.

Karamihan sa mga magulang ay nais lumaking matalino ang kanilang mga anak kaya naman madalas ay pinipilit nila itong magbasa ng magbasa kahit na labag na sa kanilang kalooban. Maaari kasing dahil pilit lamang ay hindi nila iintindihin ang konteksto ng libro at isipin na ginagawa lamang ito dahil gusto ng kanilang mga magulang at hindi para matuto o maging libangan o 'hobby'.

4. Huwag pilitin ang mga anak sa mga 'extracurricular activities'.

Minsan ang mga aktibidad na hilig ng mga magulang ay nais nilang kahiligan din ng kanilang mga anak. Madalas nais nilang makamit ng kanilang anak ang pangarap nilang naunsyami at hindi natupad. Mali raw ito dahil maaari magdulot ng agam-agam sa mga bata. Dapat ay hayaan silang pumili ng mga aktibidad na galing mismo sa kanilang interes at suportahan sila sa kung ano man ang kanilang nais.

5. Iwasan ang sapilitang pagpapakain sa mga bata.

Sa mga new parents, tandaan. Ang madalas na pananakot sa mga bata upang kumain o ubusin ang pagkain ng mga ito ay sinasabing may pangmatagalang negatibong epekto sa mga bata. Karamihan sa kanila ay nawawalan ng self-control o nawawalan ng pangsariling kakayahan. Maaari rin silang magkaroon ng aversions o pag-ayaw sa anumang pagkain. Sa halip, haluan ng kasiyahan ang pagpapakin sa mga bata at wag ito ipilit.


6. Huwag pilitin ang mga bata na magbahagi o mag-share.

Lahat tayo ay kinalakihan na ang kasabihang 'Sharing is Caring'. Lahat ng magulang ay ninanais na maging mabait ang kanilang mga anak at matutong magbigay at magbahagi sa iba. Ngunit minsan may hindi magandang epekto ito sa mga bata dahil maaaring magkaroon ng 'self-entitlement' ang batang pinahiram ng iyong anak at isiping lahat ng bagay ay pwede niyang makuha. Pwede rin itong maging dahilan ng pagkapahiya ng iyong anak at pagbaba ng kanyang 'self-esteem'. Huwag ipipilit sa mga bata at sa halip ay ipaintindi muna sa kanya kung bakit kailangan niyang mag-'share'.

Nakatutulong rin diumano ang no-share policy sa mga bata sapagkat dito nila natutunan na mag-antay at maging mapagpasensya.


Source: The Asian Parent

Halos lahat ng mga magulang ay walang hinangad kundi makakuha ng mataas na marka ang kanilang mga anak sa eskwelahan. Para kasi sa nakararami, ito ay malaking tulong upang masiguro ang kanilang pagtatapos ng pag-aaral.

Ngunit ayon sa mga pagsusuri, hindi lang naman batayan gradong mataas upang maging matagumpay ang isang mag-aaral.

Patunay dito ang isang grade 6 student na si Izhar Wayne Alfon. Gumraduate ito na may kabuuang grado na 76 o mas madalas tawagin na pasang-awa.

Ito ang istoryang ibinahagi ng kanyang kapatid na si Paulene Claire Puno. Si Wayne ay isang ampon pero tinanggap niya bilang isang tunay na bunsong kapatid.

Ang ina nito ay namatay sa sakit habang ang ama naman ay iniwan na siya at mayroon ng ibang pamilya.

Ayon kay Paulene, hirap makapagbasa at makapagsulat ang kapatid na si Wayne, hirap din itong bumuo ng pangungusap at nakabisado lang ang alpabeto nang ito'y tumuntong na ng ika-6 na grado.

Isang maliit na bata para sa edad niyang 12 taong gulang at mas kinikilala pa nito ang mga laro o laruang para sa mga edad 4 hanggang 5 taon.

Madalas ay mas gusto nito na mag isa lang naglalaro at kung minsan ay gumagawa ng malakas na ingay o sigaw. Hindi nila alam ang kundisyon ng bata.

Sinubukan nila itong turuan magbasa at memoryahin ang alpabeto ngunit hindi ito naging madali at nauuwi palagi sa iyakan ang kanilang pagtuturuan.

Bagama't naging malaking dagok sa kanya ang pag-aaral, nalamapasan ni Wayne ang Una hanggang Ika-limang baitang na may kabuuang grado mula 76-78. Sobrang tuwa na nila kapag mayroong 80 sa report card nito.

Tanggap na rin nila na maaring umulit sa grade 6 at hindi muna ito maka-graduate. "Ok lang naman mag-repeat ako ‘pag di ako pumasa." sambit ng bata.

Pero isang araw ay kumakaripas ito ng takbo pauwi habang sigaw ng sigaw. "Mama, ga-graduate daw ako!" malugod na balita ni Wayne sa kumupkop na ina.

Sabik itong umupo sa pagitan ng ina at ng kanyang ate Paulene bitbit ang magandang balita. Inamin din nito sa ate na ito pala ang kanyang birthday wish.

"Ate, totoo pala ang birthday wish kasi ang wish ko sana maka-graduate ako tapos nagkatotoo,"

Malaking tulong din ang walang sawang suporta nilang pamilya sa ampong kapatid. Hindi nila pinagtaasan ng boses at hindi ipinaramdan ang kahinaan kaya naman mag nagpursigi pa ang bata sa pag-aaral.

Mabait na bata rin si Wayne, sa tuwing may pera siya ay ibinibili niya ng kape ang ina at biskwit naman para sa kanyang pamangkin. Sa kanyang gawang alkansya, nagiipon si Wayne ng barya at ibinabahagi ito sa pamilya tuwing kinakapos sila sa pambili ng bigas.

Marami ang naantig sa kwentong ibinahagi ni Paulene kaya marami ang nagpaabot ng tulong gaya ng mga gamit sa eskwela para sa masipag na bata. Unti-unti na rin itong nagpapakita ng progreso sa pagbabasa.

"Diretso naman na siya magbasa sa Tagalog at nag-uumpisa na rin po siyang makabasa ng English, although hindi pa ganun ka-klaro ang speaking niya," ani Paulene.

Hanggat nagpupursigi sa pag-aaral si Wayne ay hindi nila ito susukuan. Mababa man ang kanyang nakukuhang marka, ang mabuting kalooban at determinasyon nitong humarap sa hamon ng buhay ang higit na mahalaga para sa kanilang pamilya.

Source: Smart Parenting | Facebook

Unti-unti ay mas nakikilala ng publiko ang misis ng politiko, modelo at aktor na si Alfredo Paolo Dumlao Vargas III o Alfred Vargas na si Yasmine Vargas.

Ang kanyang taglay na angking kagandahan ay iniuugnay sa mga bigating aktres na sina Marian Rivera at Carla Abellana dahil na rin sa dami ng nagsasabi na malaki ang pagkakahawig niya sa mga ito.

Ang Filipina-Italian na si Yasmine Espiritu Vargas na ipinanganak sa Italy ay ikinasal kay Alfred Vargas noong 2017, matapos ang kanilang civil wedding ceremony noong 2010.

Aminado rin ang misis ng aktor/konsehal ng Quezon City na fan na fan siya nito mula noon. Katunayan ay mayroon pa itong poster noon sa kanyang kwarto na siyang ikinagulat ni Alfred noong siya'y umaakyat pa lang ng ligaw at pumunta sa kanilang bahay.

Love at first sight naman ang nangyari sa kapuso hunk nang una silang magkita ni Yasmine noong 2008 matapos ang kanyang show sa Sta. Cruz, Laguna.

Agad na kinuha ng matipunong binata ang numero ng magandang binibini at pagkatapos ng fiesta show na iyon ay naging tuloy-tuloy na ang kanilang komunikasyon.

Sa unang pagkikita pa lang daw nila ay nasabi na ni Alfred na si Yasmine na ang babaeng gusto niyang makasama habang buhay.

"Sigurado akong siya na ang babaeng pakakasalan ko, hindi nga lang ako sigurado kung magpapakasal siya sa'ken" pabiro nito.

Si Alfred raw ang first boyfriend at first love ni Yasmine. Sa ngayon ay mayroon na silang tatlong anak. Ito'y sina Alexandra Milan, Aryana Cassandra at Alfredo Cristiano.

Ang panganay na si Alexandra Milan na siyang ipinanganak din sa Italy ay isang napakalambing na ate sa kanyang mga kapatid.

Sa ngayon ay mahigit isang dekada na silang nagsasama at kitang-kita na inlove na inlove parin ang dalawa sa isa't-isa. May isang post pa nga aktor sa social media at ang sabi'y,

"Napakaswerte ko sayo. Ang sarap magising tuwing umaga na katabi ka. Ang sarapa mong ligawan araw-araw hanggang ngayon at ipagpapatuloy kong ligawan ka kahit maputi na ang buhok natin. Salamat dahil laging oo naman ang sagot mo sa askin. Mahal na mahal kita."

Bukod sa maganda nitong mukha na iniuugnay sa mga naglalakihang bituing gaya nila Kristine Hermosa ay maganda rin ang pangangatawan ni Yasmine at seksing-seksi pa rin kahit naka-tatlong anak na.

Kaya marami ang nagtatanong kung ano ang sikreto nito.

"Mommy Exercise" ito ang kanyang tugon. Kung noon raw ay wala itong kahilig hilig sa mga pisikal na aktibidad at nakukuha pang tumakas sa kanyang P.E class ay iba na daw ngayon.

"I decided to go out of my sedentary lifestyle. I chose to be strong and healthy for my kids. I began my program cautiously and progressed slowly. I exercise in short sessions few times a week, keeping my mind that any amount of activity is better than none at all."

Bagamat busy ay nananatili pa rin na hands-on mom si Yasmine sa kanyang mga anak at full-support sa karera ng kanyang mister.

Source: Vargas Na Pag-Ibig | Facebook

Pagkatapos daw nitong makatanggap ng 350k pesos sa isa pang anak na vlogger na si Awit Gamer ay kay Whamos Cruz naman humirit ang ina ng pampapustiso niya.

Ang simpleng paghingi ay naging kwelang tagpo ay naging instant viral video matapos itong isapubliko ng komedyanteng social media influencer at content creator.

"MAY GANITO DIN BA KAYONG NANAY?"

Sa pagdalaw ni nanay Grace sa bahay nila Whamos at Antonette ay bumungad sa mga ito ang halos bungal na ina. Dalawang ipin sa itaas na lang kasi ang natira dito matapos raw ipabunot ang kanyang mga sirang ipin.

"Anong ginagawa mo dito?" "Diba binigyan ka ni Awit ng 350 thousand?" pagbibiro ni Whamos sa nanay nito.

Dahil sa wala na halos ngipin ay hindi na daw ito makakain ng maayos at inirereklamo ang kanyang pag nguya.

"Paano ba ko mabubusog nito? Hindi natunaw pagkain ko e," "Sige na!" pangungulit ng inang si Grace.

"Lunukin mo! May sinabi ba akong magpabunot ka ng ipin?" banat naman ng anak.

Pero matapos ang ilang minuto ay hindi rin natiis ni Whamos ang ina, kinuha nito ang kanyang itim na bag sabay bunot ng isang bugkos na tig-iisang libo

"Hawakan mo, naawa ako dito eh! Parang laging walang pera tong nanay ko eh!"

Dahil hindi nagkasundo sa hiling na sayaw kapalit ng perang hinihingi nito. Idinaan ng mag-ina sa larong bato bato pick ang pampustiso nito. Isang libo kada puntos ng ina.

Sa unang buslo ay talo si nanay Grace sabay reklamong, "Ang daya, ang daya! Alam mo kasing bato ang gagawin ko eh."

Ngunit kaagad naman itong bumawi at sunod-sunod na ang naging panalo nito hanggang sa umabot ng 12k ang napanalunan ng ina. Bukod sa pera ay binigyan din ito ni Antonette ng mamahaling bag.

Kulang kulang man ang ngipin sa ngayon ng nanay ni Whamos Cruz ay umuwi naman itong buo ang ngiti sa labi matapos ang kanilang masayang kulitan ng kanyang panganay na anak.

Source: Whamoscruz | Facebook

Past is past! Tuluyan nang tinalikuran ng mag-inang sina Antonette at Mommy Dolly ang kanilang masalimuot na nakaraan matapos ibahagi sa publiko ang bagong vlog kung saan makikita na sweet na sweet ang dalawa sa isa't isa.

Matatandaang umabot pa sa programang Tulfo in Action ang hidawaan ng mga ito dahil sa pagsama ni Antonette kay Whamos.

Paliwanang ng bagong panganak at 18-anyos na social media influencer ay balik na sa dati at maayos na sila ng kanyang Mommy Dolly ngayon.

Naibahagi din nito na mula ng ipinagbuntis hanggang sa paglabas ng anak na si Baby Meteor ay naroon ang kanyang ina para suportahan siya sa kanyang pinagdadaanan.

"Noong nasa ospital ako nandoon siya tapos inaayos niya yung mga... Naiyak na din siya eh," ani Antonette.

Hindi din nito mapigilan ang pagpatak ng kanyang mga luha habang inaalala ang sobrang pambabatikos ng mga tao at mga masasakit na salitang ibinabato sa kanyang ina dahil sa nangyari.

"Pero naintindihan ko naman si mommy sa part na yun dahil as anak niya, ayaw niya akong mapahamak. Tapos nagpaano kasi siya sa mga ibang tao, nagpahatak siya, nagpadala siya," dagdag nito.

Sa pagkakataong ito ay binati din nina Whamos at Antonette ang kapwa vlogger na din na si Mommy Dolly dahil sa pagkaka-monetized ng page nito.

Binigyan din nila ng P50k ang ina upang maging puhunan sa kung ano mang negosyong gugustuhin nito.

Nagbigay naman ng mensahe si Mommy Dolly sa mga patuloy na bumabatikos sa kanya, "Thank you sa mga nagdo-down sakin kasi, dahil sa inyo umaangat ako!"

Source: Antonette Gail | Facebook

Masayang masayang ibinahagi ng vlogger at fist-time daddy na si Whamos Cruz ang kanyang regalo sa anak na si baby Meteor.

Ilang araw pa lang mula ng lumabas sa sinapupunan ng asawang si Antonette ang sanggol na si Adriel Meteor Cruz pero ang kasiguraduhan para sa magandang kinabukasan ng bata ay napaghandaan na ng mag-asawa.

Sa bagong vlog ni Whamos ay ipinakita nito ang ipon nilang mag-asawa na nagsimula pa lang nung ipinagbubuntis ni Antonette si baby Meteor.

Mula raw kasi ng binalak nilang bumuo ng pamilya at magkaroon ng anak ay pinag planuhan na nilang maigi ang buhay na ibibigay nila para dito.

Bukod sa maayos na panganganak at kumpletong kagamitan para sa bagong silang na sanggol ay pinaghandaan na rin nila ang insurance nito.

Sa video nito ay ipinakita niya ang pagbubukas ng kwadradong alkansya at pagbibilang ng tig-iisang libong pisong inipon nila ng isang taon. Umabot ang kabuuang halaga nito sa nakakalulang 650 thousand pesos.

Iginit ni Whamos na hindi niya raw ito isinasapubliko para ipagmayabang bagkus ay nais niyang maging inspirasyon siya ng mga ibang magulang gayun din sa mga nagbabalak na bumuo ng pamilya.

"Ang sarap sa feeling pag nakaipon ka ng ganyan lalo na para sa magiging baby niyo kaya kung ako sa'yo sana na-inspire ka sa video na'to at mula ngayon mag ipon ka na kung gusto mong magka-baby"

"At kung hindi man para sa baby mo, para sa sarili mo" "ang importante mag ipon ka"

"Kung may pangarap ka gagawa ka ng paraan para umahon ka sa buhay" payo ni Whamos.

Source: Whamoscruz | Facebook

Kabutihang loob at malaking respeto sa kanilang mga magulang ang ipinamalas ng mga batang ito sa larawan, dahil sa kanilang murang edad pa lang ay kinakitaan na sila kung papaano tumanaw ng utang na loob. 

Masasalamin sa kanilang ginintuang puso ang klase ng pagpapalaki sa kanila ng kanilang mga magulang. Kaya naman isang magandang sorpresa ang naghihintay sa kanilang nanay.

Sa viral post ng ukay-ukay (thrift shop) vendor at owner na si Sarah Alexandrea Daculap, isang magandang buena mano ang naghihintay sa pagbubukas ng kanyang munting tindahan sa Palawan.

Umagang-umaga sa Puerto Princesa ng ito'y naghihintay ng customer ay kapuna-puna ang dalawang batang lalaki na naghahalungkat at naghahanap ng damit sa hilera ng mga damit pang babae!

Sa pagtataka ni Sarah ay nilapitan niya at tinanong ang dalawang bata kung ano ang partikular na hinahanap nito.

Dito na niya napagalaman na regalo pala para sa kaarawan ng kanilang nanay na pulis ang sadya sa tindahan ng dalawa.

Namangha ang may-ari at tindera ng ukay-ukay kaya naman malugod nitong tinulungan ang mga bata sa pamimili ng damit.

Kung kadalasan ay mga magulang ang nagreregalo sa mga anak, sa pagkakataong ito kahit simple at mumurahin lang ang nakayanan ng mga batang ito ay siguradong lubos na kagalakan ang hatid nito sa kanilang ina.