 |
| Photos courtesy of Facebook @JellyRojas |
Marahil narinig nyo na po ang
kasabihang “hindi natin pwedeng ipangako ang bukas dahil hindi natin alam kung
ano ang ilalabas nito,” huwag tayong maging kampante at paka
sigurado sa ating buhay. Kaya naman dapat lagi tayong magtagubilin sa Panginoon
upang tayo ay kanyang gabayan.
Ngunit habang tayo ay nabubuhay dito
sa ibabaw ng mundo, kasama na natin ang mga pagsubok na dumadating, ang
kailangan lang natin ay lakas ng loob at higit sa lahat pananampalataya sa itaas
na walang imposible sa kanya. *
Gaya na lang ng kwento ng buhay ng isang
binibini na si Jelly Rojas, mula Tarlac City. Isang Math teacher si Jelly at
isang breadwinner din ng kanilang pamilya.
Hindi nya akalain na tutubuan sya ng
tumor sa utak na kung tawagin ay Meningioma, taong 2019 nang madiskubre ng mga doctor
na may tumutubong tumor sa kanyang utak, sa likod mismo ng kanyang kanang mata.
Ayon sa mga eksperto, ang Meningioma
ay isang uri ng tumor na nagsisimula sa utak o kaya ay sa spinal cord.
Sinasabing isa sa mga sanhi ng pagkakaroon nito ay dahil sa radiation.
Ngunit hanggang sa ngayon ay hindi pa
rin nakukumpirma ng mga dalubhasa kung may kinalaman ba ang pagkakaroon ng
genetic disorder o hormone o previous injury. Ayon pa sa mga pag-aaral, mas malaki
ang posibilidad na magkaroon ng tumor na ito ang mga babae. *
 |
| Photos courtesy of Facebook @JellyRojas |
Dalawang beses ng naoperahan sa ulo si
teacher Jelly, akala ng mga doctor noong una ay ligtas na siya mula sa tumor na
ito nang tuluyan nang tinanggalan ng kanyang kanang mata at nawalan na sya ng paningin.
“Nung sinabi ng doktor na I need to
give up my right eye, ngumiti lang ako sa kanya.” Pahayag
ni teacher Jelly sa panayam sa kanya ng 24 Oras.
Ngunit hindi pa pala nagtatapos ang
problemang kinakaharap ng guro, at noong Setyembre 2020 ay muling may nakitang
tumubong tumor sa kanyang utak malapit sa kanang mata na tinanggal sa kanya.
“Yung doktor ko umiiling siya. Meron
palang bukol ulit sa loob ng aking naoperahan na mata.” Dagdag pa
ng dalaga.
“Yung prayer ko is, wala na akong
salita na masabi. Puro iyak na lang. Talagang sobrang sakit sa akin.” Aniya. *
 |
| Photos courtesy of Facebook @JellyRojas |
Pero dahil kailangang lumaban ni Ma’am
Jelly sa sunod sunod na dagok na dumating sa kanya, kailangan nyang magpaka tatag
para sa mga mahal sa buhay na umaasa sa kanya, tuloy lang ang buhay para sa dalagang
guro.
Tanging sa pananampalataya siya kumakapit para
malampasan ang mga pagsubok na pinagdaraanan niya dahil naniniwala sya na walang imposible sa Panginoon na
syang makapangyarihan sa lahat.
At sya ngang tunay, dahil sa kabila mga
pagsubok sa kalagitnaan pa ng pandemya, may mga taong kinasangkapan ang Panginoon
upang tumulong sa kanilang mag-anak.
“Merong nagpapadala sa akin na mga
pera, kung saan ang laking tulong po sa akin,” kwento pa
niya.
Maging ang mga doctor nya mismo ay
tumulong din sa kanya at sila pa ang naghahanap ng mga charity na pwede nilang
lapitan. *
 |
| Screencap photos from GMA News |
“Alam niyo po, pati rin yung mga
doktor tumulong din sila. Sila naghanap ng mga charity na puwedeng tumulong sa
akin.”
Matapos ng lahat ng dagok na dumating,
ngayon ay balik na sa pagtuturo si Ma’am Jelly sa kanyang Grade IV students.
Marami ang naantig sa video interview
sa kanya, buong tapang nyang tinanggal at ipinakita ni Jelly ang takip sa
kanyang mata, upang makita ang itsura na wala ang kanyang kanang mata.
“Wala na po si right eye,” naluluhang
na sabi ng dalaga.
“Kailangan natin tanggapin, yakapin
ang mga binibigay na problema sa atin ng Panginoon.”
“Kapag kuma-faith tayo sa Panginoon,
makakaya natin yung problema na kinakaharap natin.” Dagdag pa
niya.
Nais magbigay inspirasyon ni batang
guro lalo sa mga taong dumadanas ng matinding problema gaya ng kanyang napagdaanan. *
 |
| Photos courtesy of Facebook @JellyRojas |
Sa katunayan, nakakapag share si Jelly
ng mga positibong mensahe sa pamamagitan ng social media. Nais nyang maging
buhay na halimbawa na lahat ng pagsubok gaano man ito kahirap, at tiyak na
malalampasan.
Bas ang kailangan lang ay magkaroon ng
positibong pananaw sa buhay at higit sa lahat at pananampalataya sa Panginoon
na syang nagbibigay ng pag-asa sa atin.
Nakita ni teacher Jelly kung paano
kumilos ang Panginoon para sa kanya, kitang kita din niya yung mga taong
kinasakapan nito upang tulungan sya sa mga gastusin para mairaos ang kanyang
operasyon.
"One of my greatest fears is to
see myself with one eye but now I can confidently say that I overcome my fear
with JESUS.
“LAHAT ng nangyayari may purpose si
Lord, WALA pala ako dapat ikahiya sa itsura ko.” Aniya.
“TO GOD BE THE GLORY." Masayang
pahayag ni teacher Jelly sa kanyang social media post. *
 |
| Photos courtesy of Facebook @JellyRojas at GMA News |
