Gwapong Amerikano na dumulog kay Tulfo, natipuhan ang isa sa mga staff ng programa

Larawan mula sa Raffy Tulfo in Action

Agad na kumalat sa mundo ng social media ang isang episode sa programa ng Raffy Tulfo in Action kung saan ay isang gwapong Amerikano na si RJ Russell ang niloko umano ng kanyang kinakasamang Pinay na si Adora.

Ayon kay Russel, ang akala kasi nito ay ipinupundar ni Adora ng mga lupa at bahay ang mga perang ipinapadala nito sakanya ngunit kahit ni isang kusing ay walang maipakita si Adora sa dating kalaguyo.

Nasa P25 milyon ang kabuuang halaga na ipinadala ni Russel kay Adora kung kaya naman hindi nito matanggap na kahit ni isang ari-arian ay walang maipakita ang pinay.

Dahil dito, agad tinawagan ng pragrama ni Raffy ang inirereklamong si Adora ngunit hindi siya makausap dahil mahimbing umano ang kanyang tulog dahil sa ininom nitong gamot na pampatulog.

Larawan mula sa Raffy Tulfo in Action

Ayon sa kano, madalas daw itong gawin ni Adora sa tuwing kokomprontahin siya ay umiinom na lamang ito ng gamot upang makatulog at makaiwas sa mga katanungan.

Dagdag pa ng Amerikano, nagbanta raw umano si Adora na wawakasan nito ang kanyang buhay at nagbigay pa ng eksaktong oras kung kelan nya ito gagawin, 4:00 nga daw ng hapon nya ito gagawin.

Dahil sa ginagawang ito ni Adora, nagpasya si idol Raffy na sadyain na lamang ang pinay sa mismong bahay nito upang hindi na makatakas sa mga katanungan.

Samantala, bago pa man matapos ang episode na ito ay nagusap-usap ang mga babaeng staff ng programa dahil mayroon daw silang napansin sa kano.

Ayon sa kanila, tila naging interesado daw umano si RJ sa isa sa mga staff ng programa na si Angie.

Ayon kasi sa isang staff, nakahalata sila na tila interesado ang kano kay Angie dahil tinatanong niya kung ilang taon na si Angie at panay umano ang tingin niya sa babaeng staff.

Sinabi din raw ni RJ na di hamak na mas maganda daw si Angie kaysa kay Adora.

Agad naman itong ikinuwento ng mga staff ng programa kay idol Raffy at tinawagan nila sa phone si Angie upang ipaalam na may gusto sakanya ang gwapong kano.

Larawan mula sa Raffy Tulfo in Action

"Angie, mukhang magiging milyonarya kana, magblow-out kana at ngayon pa lamang ay mangutang na tayo sa bombay sa pang blow-out mo kasi patay na patay daw sayo si kano." banggit ni idol Raffy kay Angie.

Tinanong pa si idol Raffy kung may boyfriend na itong si Angie at sumagot naman itong wala pa daw.

"Si Angie, okay yan exotic beauty. mahilig talaga si RJ sa mga exotic beauty." Ayon kay idol Raffy.

Larawan mula sa Raffy Tulfo in Action

Samantala, sa pagpapatuloy ng balitang ito, mayroong hindi inaasahang balita ang natanggap ng Raffy Tulfo in Action kung saan ay kinumpirma na na itinuloy na ni Adora na wakasan ang kanyang sariling buhay bandang alas 4:00 ng madaling araw.

Ayon sa hindi inaasahang balita, natagpuan umano si Adora sa kanilang palikuran na nakabitin.