Sobrang yaman sa gas ng bansang ito ngunit bakit mahirap pa rin sila? - The Daily Sentry


Sobrang yaman sa gas ng bansang ito ngunit bakit mahirap pa rin sila?



Larawan mula sa BBC

Hindi lingid sa ating kaalaman na ang langis at gas ay isa sa mga pinakamahalagang likas na yaman sa mundo, at ito rin ang isa sa pinakamahalagang sangkap sa pamumuhay ng mga tao lalong-lalo na ngayon sa modernong paraan ng pamumuhay.

Isa na ang industriya ng transportasyon at pagmamanupaktura ng ibat-ibang negosyo ay talaga namang umaasa sa produktong gas.

Ngunit sa manila ka o hindi ay mayroon isang bansa na kahit na sobrang yaman nila sa gas ay tila parang mahirap pa rin sila.
Larawan mula sa VIA News

Larawan mula sa VIA News

Mapapansin kasi sa bansang Turkmenistan na nagkalat sa kanilang lugar ang napakaraming puting building na gawa sa marble, ganun din ang mga naglalakihang estatuwa na yari naman sa ginto.

Ito ay larawan ng isang maunlad ng bansa dahil hindi biro ang perang ginastos dito para maipatayo ang mga ito.

Ang bansang ito ay isa sa mga pinakamayamang bansa pagdating sa likas na yaman lalong lalo na sa natural gas.
Larawan mula sa BBC

Larawan mula sa BBC

Ngunit sa kabila ng mga naglalakihan at naggagandahang inspraktura sa kanilang bansa ay bakit tila kaunti lamang ang mga taong makikita at bilang lamang ang mga sasakyan sa mga kalsada.

"The funny thing is, the streets are shockingly empty during the day, almost like a ghost town." ayon sa mga nakasaksi.

Nakakapagtaka na ang syudad na napaka ganda ay tila walang mga tao. Ang tanong ay nasaan ang mga tao sa bansang ito?

Ang bansang Turkmenistan ay isa sa pinakamayaman sa natural gas sa buong mundo kung kaya naman libre ang gas, kuryente at tubig para sa mga mamamayan doon.
Larawan mula sa BBC

Larawan mula sa BBC

Ngunit sa paglipas ng ilang dekada ay hindi inaasahan na ang bansang ito na sobrang yaman sa natural gas ay makararanas ng matinding hirap sa ekonomiya dahil sa hyperinflation.

Mabilis na nagtaasan ang presyo ng mga bilihin at dahil dito ay mabilis din ang pagbaba ng halaga sa kanilang pera.

Dahil dito ay nagkakaubusan na rin ang mabibili na produkto sa kanilang lugar at kailangan mo pang pumila upang makabili ng iyong naisin.

Hindi lang ito ang kanilang hirap na nararanasan dahil ang kanilang gobyerno ay ipinatigil na rin ang libreng gas, kuryente at tubig para sa mga residente doon.

Nadagdagan pa ang hirap na kanilang nararanasan noong maranasan ng buong mundo ang Pandmya.

Marami naman ang dahilan kung bakit umano humantong sa ganito ang bansang ito kasama na ang problema sa Agrikultura, korap na Gobyerno, kakulangan sa pondo at turismo.

Dahil kulang sila sa pondo ay hindi nila mapaunlad ang kanilang sariling produkto kahit na mayaman sila sa natural gas.

Para kasi mapakinabangan at makapag-export ng gas sa ibang bansa ay kailangan makagawa ng tinatawag na gas pipe at malaking pondo ang kinakailangan dito.

Dahil sa nararanasan ngayon ng kanilang bansa ay natakot na ang mga investors na mag-invest sa kanila kung kaya naman hirap na makaahon ang bansang ito.

Matagal na pinamunuan ng diktador na si Saparmurat Niyasov na kilala rin sa bansag bilang Turkmenbashi.
Larawan mula sa BBC

Larawan mula sa BBC

Tila naging hobby ni Turkmenbashi na magpatayo ng mga naglalakihang mga inspraktura, monumento ganun na rin ang kanyang ibat-ibang estatuwa na yari sa ginto.

Bilyong-bilyong dolyar ang ginastos ng bansang Turkmenistan para maipatayo ang mga nasabing gusali, ngunit sa kabila nito ay bakit tila walang tao ang nakatira dito.

Ayon kasi sa pag-aaral ng ilan ay mas inuuna umano ng gobyerno ang pagpapaganda sa imahe ng bansa kaysa paunlarin ang buhay ng bawat isang mamamayan.

Nakakalungkot isipin na mas inuuna pa ng kanilang gobyerno ang pagpapatayo ng mga mamahaling inspraktura kaysa sa pagkain ng mga mamamayan.

***