Kasamahan ni Jovelyn Galleno sa simbahan, sinabing nakita umano niyang nakasakay ito sa isang Innova nitong Agosto 16

Larawan mula sa Google (ctto)

Hanggang ngayon ay wala pa ring kasagutan sa misteryosong pagkawala ng 22-taon gulang na si Jovelyn Galleno, ang babaeng pumasok sa trabaho sa Robinsons Mall sa Palawan ngunit hindi na raw nakalabas.
 
Ayon sa mga ulat, Agosto 5, 2022, ay hindi na nakauwi pa sa kanilang bahay si Jovelyn nang mag-logout ito sa trabaho, ngunit hindi naman daw nakitang lumabas sa mall na kanyang pinasukan.

 
Samantala ayon naman sa ulat ng Radyo Bandera Philippines, isang kakilala daw ni Jovelyn mula sa simbahan ang nagbigay ng statement na nakita daw niya na nakasakay si Jovelyn sa isang Innova bandang alas-tres ng hapon noong Agosto 16.
 
Maliban dito ay naiulat din na may isang establisyemento umano ang nakikipagtulungan sa otoridad upang makatulong sa kaso ng pagkawala ni Jovelyn. Nagbigay daw sila ng CCTV footage na kuha ang National Highway kung saan nakunan ang isang multicab na posibleng sinakyan ng nawawalang dalaga.
 
Ang naturang establisyemento ay matatagpuan sa Brgy. Tagburos. Samantala, wala pang opisyal na pahayag ang mga pulis ukol dito gayundin ang pamilya ni Jovelyn kung siya nga ba ang babaeng nahagip sa kuha ng CCTV na nakasakay sa multicab.

Larawan mula sa Kami

 
Naging maugong at misteryoso ang pagkawala ni Jovelyn dahil muling nabuhay ang isang urband legend na ‘taong ahas’ sa Robinsons Mall na kumukuha umano ng mga babaeng kanyang magustuhan o matipuhan.*
 
Ayon sa mga kwento ay sa basement umano ng mall nakatira ang nasabing nilalang at ang mga fitting room sa nasabing mall ay bumubukas palagos sa ilalim.
 
Mayroon pang nagsasabi na kakambal daw ni Robina Gokongwei-Pe ang taong ahas. 
 
Ang Robinsons Mall ay pag-aari ng mga Gokongwei at si Robina ay kasalukuyang President at CEO ng Robinsons Retail Holdings Inc.
 
Samantala, sa isang Youtube video ni Ayala Corporation Chairman Jaime Augusto Zobel de Ayala, isinalang si JG Summit CEO Lance Gokongwei, at ang kanilang usapan tungkol sa ekonomiya, ay napunta sa hindi mawala-wala at kontrobersiyal na urban legend tungkol sa “taong ahas” na diumano ay nasa loob ng Robinsons Galleria.
 
"That's a definite false." Ayon kay Lance
 
"If there was a snake, my sister Robina would've caught it and converted it into a handbag that she sold in Robinsons,” pabiro niyang sagot

Robina Gokongwei-Pe / Photo credit to the owner

 
Sa kasalikuyan ay maraming balita na lumalabas na namataan at may nakakita nga daw sa Jovelyn matapos nitong mawala. At dalangin ng marami ay makauwi siyang ligtas sa kanyang pamilya.