Ang life story ng noo'y sikat na action star na si Weng Weng at bakit nga ba ito biglang nawala sa industriya - The Daily Sentry


Ang life story ng noo'y sikat na action star na si Weng Weng at bakit nga ba ito biglang nawala sa industriya




Noong panahong hindi pa gaanong open-minded ang mga tao ay hindi nabibigyan ng pansin ang mga kababayan natin na may iniindang dwarfism at sila ay kadalasan pang tampok sa mga palabas sa karnabal.


At kung mabigyan man sila ng pagkakataon na lumabas sa mga pelikula ay napakadalang naman. Ngunit may isang tao noon na sinuwerte sa kanyang karera.


Siya ay si Ernesto de la Cruz o mas kilala sa kanyang screen name na Weng Weng.  Siya ay may taas na dalawang talampakan at siyam na pulgada. Siya ay isang sikat na action star noong dekada otsenta.


Ang yumaong Pilipinong aktor ay nagbida sa mga pelikulang aksyon na karamihan ay mga spoof ng mga pelikulang James Bond.


Si Weng Weng ay nakalista sa Guinness World Records bilang pinaka maliit na aktor na gumanap na bida sa mga sinaunang pelikula.




Si Weng Weng ay ipinanganak sa isang simpleng pamilya sa lugar ng Baclaran noong Setyembre 7, 1957. Siya ang bunso sa limang anak. Ang kanyang ama ay isang electrician, habang ang kanyang ina naman ay labandera.


Nang ipanganak umano si Weng Weng ay nagulat ang kanyang mga magulang sa kanyang liit. *


Kwento pa daw ng kapatid ni Weng Weng na si Celing, ilang buwan din na sa box ng sapatos natutulog ang bunso nilang kapatid. At kinailangan pa nilang gawan ng improvised na incubator noon si Weng Weng.


Sa isang panayam noon kay Celing sa show ng GMA na Tunay na Buhay, wala daw nasabi ang doktor sa kanila tungkol sa kondisyon ng kanilang bunso. Tinanggap nalang umano ng pamilya na ganoon si Weng Weng, at pinaniniwalaan din na resulta iyon ng pagkahumaling ng kanyang ina sa image ng Holy Child na dinadala ng Our Lady of Perpertual Help habang pinagbubuntis ang aktor.




Sa kanilang lugar, marami din daw ang tuwang tuwa kay Weng Weng dahil sa sobrang cute nito. Binibihisan pa nila ito noon bilang Santo Nino tuwing may parada sa Baclaran.*


Mahilig daw sa martial arts si Weng Weng kaya naman inaral niya ito. Sa katunayan pa nga, ang dating martial arts instructor ni Weng Weng ang nagpakilala sa kanya sa isang independent film producer na nagngangalang Peter Caballes. Di nagtagal ay nagkaroon siya ng kauna-unahan niyang papel sa pag-arte.


Nagtuloy-tuloy na ang pagganap ni Weng Weng sa mga pelikula at malalaking artista din ang kanyang mga nakasama tulad nina Ramon Zamora (1978's Chopsuey Met Big Time Papa) at Dolphy (1980's The Quick Brown Fox).




Dahil sa kanyang kakaibang antics ay nakuha niya ang atensyon ng isang direktor mula sa Hong Kong na si Raymond Jury, na nagtalaga sa kanya bilang Agent 00 sa pelikulang For Your Height Only noong 1981, na spoof ng For Your Eyes Only ng James Bond. *


Mula 1981 hanggang 1982 ay namayagpag si Weng Weng sa paggawa ng mga pelikula. Ginampanan niya ang Agent 00 sa dalawa pang pelikula: Agent 00 at The Impossible Kid of Kung Fu.


Lumabas din siya sa Stariray, Legs Katawan Babae, D'Wild Wild Weng, at The Cute...the Sexy n' the Tiny.

Ang huling pelikula ni Weng Weng ay ang Da Best in the West noong 1984, kung saan kasama niya sina Dolphy, Lito Lapid, at Panchito.


Ayon pa sa mga naka-trabaho ng yumaong aktor, siya daw mismo ang gumagawa ng kanyang mga stunts.


Ngunit dumating nalang daw ang araw na wala nang producer na nag hahanap at tumatawag kay Weng Weng para gumawa ng pelikula.


Malungkot na binahagi ng kapatid ni Weng Weng na bagamat sikat ang kanyang kapatid ay hindi daw ganap na nagbago ang buhay nito. At ayon pa kay Celing, hindi ganoon kalaki ang natatangap ni Weng Weng.


"Kung ano lang iabot sa kanya" ayon umano sa kapatid ng aktor


“Weng Weng’s vehicles were popular—Height, in particular, sold to numerous foreign territories—yet by all accounts he was never paid a salary, let alone given a profit percentage. Instead, he was kept as a sort of indulged pet, then discarded.” Ayon naman umano sa isang artikulo na sinulat ni Dennis Harvey


Taong 1992, ilang araw bago sumapit ang 35-taong kaarawan ni Weng Weng ay inatake ito sa puso na kanyang ikinamatay.