Nabiling Relo ng isang Lalaki via Online, Parang Time Machine, Pabaliktad ang Andar! - The Daily Sentry


Nabiling Relo ng isang Lalaki via Online, Parang Time Machine, Pabaliktad ang Andar!



Photo credit to Facebook/Raymond Añonuevo
Dumarami na raw ang natatanggap na reklamo ng Department of Trade and Industry (DTI) tungkol sa pamimili online.

At ang pinaka-pangkaraniwan daw na reklamo ay ang sablay at palpak na produkto na natatanggap ng buyers online.


Halimbawa na lang dito ay ang isang lalake na nakabili diumano ng relo na pabaligtad ang ikot at andar.






Photo credit to Facebook/Raymond Añonuevo 
Viral sa social media ang post ng isang lalaki na nagngangalang Raymond Añonuevo, na kung saan kanyang ipinakita ang relo na nabili sa isang online shopping app.

"Umorder ako ng relo, ang na-ibigay sakin time machine, pabalik yong oras. Walang relo sa ibang bansa na ganito. Pabalik e o. Ang galing.", ani niya.

Ipinabalita na mukhang marami daw naka-relate diumano sa post ni Raymond dahil sadyang nagviral ito online at umani ng napakaraming reaksyon sa mga netizens.

Kwento daw ni Raymond na naengganyo siyang bilhin ang relo dahil bukod sa mura ito, ay 'buy one, take one pa'.

"Maganda naman yung itsura niya sa picture kaya na-engganyo akong bilhin. So pagdating, una kong nabuksan yung isa, ok naman, and pagbukas ko dito sa isa, hindi ko agad napansin pero nung tiningnan ko maagi, baliktad talaga yung andar nung kamay niya.", sabi ni Raymond.

Sa isang interview, tinanong si Raynong kung anong balak niyang gawin sa nasabing relo at sagot daw ng huli ay baka itago niya na lamang ito dahil baka raw balang araw ay magmahal na daw ito dahil bihira daw at kakaiba ang nasabing relo.

Sadya nga namang nakakatawa ang kwentong ito ni Raymond. Pero ilan lang ang karanasang ito sa diumanoy dumarami raw na sablay na produktong nabibili sa mga online sellers.

Mismong si DTI Secretary, Ramon Lopez diumano ang nagsabi na isa ito sa madalas nilang makuhang reklamo ngayon.

"Wrong specs, hindi satisfied sa produkto, defective, misleading ang pinapakita sa picture and definitely below expectations." ani Lopez.

Sabi nga mahirap daw talagang bumili ng produktong ni hindi mo man lang nahawakan, nasilip at nasukat. Kung kaya para hindi raw maging 'Expectations
vs Reality' ang online shopping experience mo, payo ng DTI na sa mga lehitimong online shopping sites mamili, upang kung magkaroon man ng problema ay madali itong masosolusyonan.

Huwag din daw mawiling mag 'add to cart' nang hinti tinitingnan ang mga reviews sa mga sellers. Dagdag din ng DTI na basahin ng mabuti ang terms of service ng mga online shopping apps at websites para malaman kung paano ka nila matutulungan na makakuha ng refund o maisoli ang isang produkto sa mga online seller nito.





May magandang balita naman ang departamento sa kabila ng mga reklamong nakakarating sa kanila. Sabi nila halos lahat naman daw ng reklamo na inilalagak sa DTI ay nareresolbahan naman ng huli.

"Repair, replace, refund. So far base sa record natin lahat naman ng nag-file ng complaint ay na-address naman, 99 percent." pahayag ni Lopez.

Dagdag pa ni Lopez na wala daw choice ang mga online sellers na ito kung hindi iprotect ang mga consumers.

Samantala, ayon sa dalawang pinaka-malaking online shopping sites sa Pilipinas na Lazada at Shopee, priority daw nila ang shopping experience ng kanilang mga customers.

Photo credit to Lazada

Sabi ng Lazada, sineseryoso nila ang lahat ng concerns ng kanilang mga customers at meron daw silang Customer Care Help Center na bukas bente kwatro oras para tulungan ang mga customers sa ano mang issue tungkol sa mga orders.

Hinihikayat din nila ang mga online shoppers na suriing mabuti ang mga produkto at icheck ang mga seller ratings at product reviews bago bumili.


"At Lazada, customer experience is our priority and all concerns raised by our customers are treated seriously.


Regarding any order issues, Lazada encourages buyers to contact our Lazada Customer Care Help Centre that has active response agents available 24 hours a day. They will be able to help buyers lodge a report and assist in resolving any issues pertaining to their orders.", ani Lazada.

Ang Shopee naman may features daw para matulungan ang mga online shoppers. Gaya ng 24 hour customer service at live chat.

Photo credit to Shopee

Dagdag pa nila na layunin nilang makasiguro na makukuha ng mga customers ang mga produkto na nasa ayos na kondisyon at direktang makausap ng mga buyers ang mga sellers at bente kwatro oras na maiparating ang kanilang mga concern at tanong.


"To continue to bring value to Filipino shoppers, Shopee is committed to delivering a convenient and seamless shopping experience. Shopee has introduced the following features to provide the best online shopping experience to their shoppers.", pahayag ng Shopee.







Source: Balitambayan