Isang sikat na damo sa Pinas, ibinebenta sa ibang bansa ng P400-1000 - The Daily Sentry


Isang sikat na damo sa Pinas, ibinebenta sa ibang bansa ng P400-1000



Larawan mula sa the campfire thoughts
Maraming mga halaman dito sa Pilipinas na kadalasan lamang ay nakikita o kusang tumutubo sa mga bakuran na nagtataglay ng mga napakaraming benepisyo sa katawan tulad na lamang ng ampalaya, malunggay, bayabas at ang damong ligaw na makahiya.

Ang makahiya ay kadalasan lamang na pinaglalaruan ng mga bata dahil sa nakakaaliw nitong taglay na kapag hinahawakan ang kanyang dahon ay kusa itong titiklop kung kaya tinawag itong makahiya dahil tila mahiyain raw umano itong damo.

Gayunpaman, naging usap-usapan sa social media ang naging post ng isang netizen na si Than-Than Javier matapos niyang ibahagi ang larawan ng isang tanim na makahiya na ibinebenta ng $7.99 o 400 Php dito sa bansa.
Larawan mula kay Than-Than Javier
Nagtaka si Javier sa kanyang natuklasan dahil ang naturang halaman na ibinebenta sa ibang bansa ay halos hindi pinapansin sa Pilipinas.

Napag-alaman na ang larawan ng halamang na makahiya ay nakunan ni Javier sa isang pet shop sa bansang Canada.

"They are selling sensitive (makahiya) plant in pet shop here and it cost 7.99$ that's almost 400 pesos... damo lang sa amin yan e." ayon sa post ni Javier.

Isang netizen naman ang nagkomento sa post ni Javier at sinabing sa bansang Portugal naman ay ibinebenta ang halamang makahiya sa halagang 15 euros o Php 960. 

Dahil sa post ni Javier ay pinagkaguluhan ito ng mga netizen at ang iba ay nais na rin magbenta nito dahil sa ganitong halaga umano ay talaga naman kikita sa halamang ito.

"Medicinal plant kasi yan kung hindi niyo alam kaya may halaga."
Larawan mula sa the potter's hand
"This will happen soon enough pag naubos na sa mining ang kalikasan natin, na kahit maliit na puno worth a price na kasi wala na tayong fresh air na mahihingahan."

Ang halaman kasing makahiya ay isang herbal medicine na ginagamit sa panggamot sa ibat-ibang karamdaman tulad ng almoranas, ubo, hika, at marami pang iba.

Malinaw na ang halamang makahiya ay isa lamang sa mga halamang damo sa paligid na hindi natin nabibigyan ng halaga o napagtutuunan ng pansin na hindi natin alam na mayroon pala itong malaking benepisyo sa ating kalusugan.

****