 |
| Mga larawan mula kay Edison Bong Nebrija/Facebook |
Matapos magtrending sa social
media nitong Huwebes lang ang insidente kung saan ang isang third year college student
na anak ng isang mangingisda, ay ma-scam sa inorder nitong laptop mula sa isang
on line shopping app, na sa halip laptop sana ang laman ng kahon ay mga bato
pala ang nakapaloob dito.*
Gagamitin sana ng naturang
estudyante na si Arthur Baylon, third-year BS Hospitality Management student,
mula sa bayan ng Guimaras, sa nalalapit na pagbubukas ng on line class.
Ang masaklap pa dito, galing pa
sa napag ipunang kita mula sa pagsama ni Arthur sa pangingisda ng kanyang ama
ng magsimula ang lockdown, kaya naman nakalikom ito ng halagang P24,000 na
pambili ng laptop dahil sa pursigido ang binata na makatapos ng pag-aaral upang
maiahon sa kahirapan ang kaniyang mga magulang.
“No’ng nagsimula ang lockdown,
ako na ang sumasama sa aking tatay sa pangingisda so ‘yung nakikita namin,
tinitipon ko ‘yun lahat kasi pangarap ko talaga na magka-laptop para sakaling
mag-online class, madali rin sa’kin makapuna ng aking mga gagawin sa school,”
kuwento ni Arthur sa "Stand for
Truth" sa GMA News "24 Oras". *
 |
| Larawan mula kay Edison Bong Nebrija/Facebook |
“Sa cellphone, hindi ka
makakapag-multitask kagaya ng sa laptop na nag-o-online video chat kayo kasama
ng mga teachers mo while doing something, nagta-type ka ng mga important
matters. Kasi sa cellphone, one tab lang siya e,” dagdag pa ng binata.
Sa kabila ng pangyayaring ito, Salamat
na lang sa Dios at may mga tao pa ring may mabubuting loob at nagtulong tulong
upang mabigyan ng isang tunay na laptop si Arthur. At bukod pa dito, naibalik
din sa kanya ang mahigit P22,000 na pinag ipunan nitong halaga upang ipambili ng
laptop.
Ayon sa balita ng Super Radyo
DZBB nitong Sabado, nagtulong-tulong sina Metropolitan Manila Development
Authority (MMDA) EDSA Traffic Chief Colonel Bong Nebrija, Presidential
Anti-Corruption Commission Commissioner Greco Belgica at negosyanteng si
Gabriel Go upang mabilhan ng bagong laptop kasama ang mga accessories nito, at
ibinigay sa estudyanteng na scam. *
 |
| Larawan mula kay Edison Bong Nebrija/Facebook |
Ayon sa kwento ni Baylon, sinabi nito
na tinawagan siya ng grupo nina MMDA traffic chief Col. Nebrija nitong
Biyernes, at agad din niyang nakuha ang padala nila ngayong Sabado ng hapon. Ibinahagi
din nito sa mga awtoridad ang panggogoyo na nangyari sa kanya.
Lubos naman ang pasasalamat ng
nasabing estudyante sa natanggap niyang donasyon, at napakalaking tulong na ito
para sa kaniyang pag-aaral at pangarap niya talagang makapag tapos ng pag-aaral.
Samantala, pinag-iingat naman ng
Department of Trade and Industry (DTI) ang publiko ukol sa pagbili ng mga
gadget sa mga online shopping app at iba pang online seller hinggil sa mga
ganitong insidente.
“Mayroong mangilan-ngilang
nangyayaring ganyan, ‘di lang natin ma- trace kung sa seller ba mismo o sa
logistics company. Regardless, ang engagement ng consumer is with the seller.
Kahit isisi nila doon sa logistics company, wala pong kinalaman doon 'yung
bumili. Si seller ang may obligasyon na to make sure na makarating sa kaniya
'yung tamang in-order niya,” paliwanag naman ni Undersecretary Ruth Castelo ng
DTI Consumer Protection sa panayam ng ABS-CBN news. *
 |
| Mga larawan mula sa Facebook |
“Kailangang i-check ng mabuti ang
binibili natin at binibilhan,” dagdag pa ni Usec. Castelo.
Ani pa ng DTI Consumer Protection
chief, ang kagandahan dito, sa online platform bumili si Baylon at hindi
dumiretso sa seller.
“Kung sa iba niya 'yan binili,
individual seller na unregistered maraming nangyayari na biglang nawawala na
lang 'yung seller. Hindi na mate-trace. Hindi magandang experience baka hindi
na (siya) umulit,” pahayag pa ni Castelo.
Nai-refund naman umano ang pera
ni Baylon sa online wallet niya na muli niyang ginamit para ma-reorder ang
laptop.
Ipinangako rin ni Usec. Castelo
na makikipag-coordinate sila sa naturang online platform para personal na
matiyak na makarating kay Baylon ang kaniyang biniling laptop.
Nagpahayag naman ng mga pasasalamat
at paghanga ang mga netizens sa magandang balitang natanggap ni Arthur, narito
ang ilan sa kanilang mga pahayag: *
 |
| Larawan mula kay Edison Bong Nebrija/Facebook |
“God is good dahil mayroon pa
ring mga tao na matulungin at gracious kahit may Ilan na evil heart din dahil
nagpadala ng bato sa bata!! God blessed you guys with a good hearts!!”
“We are so happy to see you
happy boy and thank you sa mga nagmalasakit...na feel ko yung sadness ng
mapanood ko kasi kasing edad ng anak ko yata sya . Ganyan din anak ko nangarap
magka laptop kaya todo kayud din ako makuha lang...yeah....happy for you…”
“Salamat sa tumulong sa bata
na magkaroon na ng tunay na laptop, pero sana po wag sanang isa walang tabi ang
nangyari sa online scam, sana may managot sa nangyari,at bigyan ng kaukulang
parusa, kasi kng hndi maparusahan yung gumawa, marami parin ang mangangahas ng
loob na gumawa ng ganung gawain at mamimihasa.”
 |
| Screencap photos from Twitter |
