Maraming masasakit na salita ang natanggap
ni Rita Gaviola na unang nakilala bilang
si Badjao Girl mula nang aminin niya sa publiko na siya ay isa nang ina.
“Inuna pa ang kalandian,” “sinayang mo lang
ang career mo" ay ilan lang sa mga salitang ibinato sa kanya ng mga taong
humusga sa kanya.
Halos mapaluha si Rita habang kinukuwento
niya ang tugnkol sa kanyang mga bashers nang siya ay lumabas sa “Bawal Judgmental”
na segment ng “Eat Bulaga”.
Sa nasabing segment ay naglabas ng kanyang
saloobin si Badjao Girl hingil sa mga taong nanlalait sa kanya sa social media.
Noong Agosto 8 ay umamin si Rita sa pamamagitan
ng kanyang Instagram account na isa na nga siyang ina. Buong pagmamalaki niyang
binahagi ang larawan ng kanyang baby at partner.
Sa solong larawan ng baby ay may caption si
Rita na, “Sabihan ninyo lang ako masasakit na salita kahit laitin niyo ako okay
lang sa akin basta wag ninyo lang idamay ang anak ko tatanggapin ko lahat ng
masasakit ‘wag lang anak ko pero isa lang masasabi ko na proud ako kasi hindi
ko pinalaglag ang baby dahil lang sa kasikatan."*
Kasunod nito ay ang mga masasakit na
salitang binabato sa kanya ng mga tao na tila ba malaking pagkakamali ang
nagawa ng dating PBB housemate.
Kaya sa episode ng "Eat Bulaga"
nitong Agosto 12 nang tanungin siya sa "Bawal Judgemental" tungkol sa
kanyang pinagdadaanan matapos niyang umamin sa publiko.
Tinanong siya ni Maja Salvador kung paano
niya hina-handle ang pambabagsak at panghaharas sa kanya ng mga bashers.
“Marami silang sinasabi about ‘b0bo,’
ganyan, ‘sinayang mo ‘yung career mo’, ‘inuna mo pa ‘yung kalandian mo kaya
nagkaanak ka agad.’
“Siyempre para sa part ko sobrang sakit
kasi hindi nila alam ‘yung dinaranas ko. Parang ang dali sa kanila manghusga ng
tao na hindi nila kilala,” sagot ni Rita
“Masakit kasi dumarating ‘yung time na
maisisip mo na sana ‘wag maranasan ng anak ko ‘yung nararanasan ko ngayon kasi
sobrang hirap.” Dagdag pa niya
Nakiusap din si Badjao Girl sa publiko na
sana ay wag nang idamay ang kanyang baby sa pang-aalipusta dahil wala naman itong
kasalanan.
“Sabi ko, ako na lang, wag na lang ‘yung
anak ko. Kahit i-bash n’yo na ako nang i-bash, okay lang, tatanggapin ko. ‘Yung
baby ko, ‘wag na lang kasi ‘yung baby ko walang kasalanan,” pakiusap niya sa
mga negang netizens
