Dennis Padilla sa naging hiwalayan nila ni Marjorie Barreto noon: "I'm the one to blame"

Noong taong 2021 ay nagsalita ang dating asawa ni Majorie Barreto at aktor na si Dennis Padilla tungkol sa kanilang paghihiwalay na ayon naman sa huli ay kasalanan niya.

 
Ang pag-amin na ito ni Dennis ay kanyang ginawa sa isang vlog noon ng panganay na anak niyang si Julia Barreto.

 
Kabilang sa mga dating magkarelasyon sa Philippine Showbiz Industry sina Marjorie at Dennis at taong 1997 nang magpakasal ang noo’y magkasintahan.

 
Si Marjorie na may isang anak sa dati niyang karelasyon samantalang si Dennis naman ay kasal na umano noon ngunit hindi opisyal – ang dalawa ay nagmahalan at bumuo ng pamilya.

 
Ang pagsasama nina Marjorie at Dennis ay nagbunga ng tatlong mga anak na sina, sina Julia Barretto, Claudia Barretto, at Leon Barretto.

 
Naghiwalay ang dalawa noong 2007 at ang kanilang mga anak naman ay nanatili sa poder ni Marjorie. 

 
May mga isyu na bumabalot sa hiwalayan nina Dennis at Marjorie, kabilang na ang third party umano sa panig ng aktres, bagay na itinanggi naman ni Marjorie sa isang panayam noon sa The Buzz, isang taon makalipas ang kanilang paghihiwalay.*

 
Ayon umano noon kay Marjorie, may nagawa si Dennis na hindi na kalianman mababago. Humingi rin si Marjorie ng tawad sa ama ng kaniyang mga anak na humantong sa paghihiwalay ang kanilang pagsasama.

 
Sa panayam ni Julia sa ama sa pamamagitan ng kanyang vlog ay sinabi ni Dennis na siya ang may pagkukulang sa naudlot nilang relasyon ng dating asawa. 

 
Inamin ng aktor at komedyante ang kanyang mga pagkakamali nang tanungin siya ng kanyang anak tungkol sa kanyang greatest takeaway mula sa paghihiwalay nila ng kanyang ina.

 
“I’m the one to be blame. Walang kasalanan ang nanay mo,” ani Dennis

 
Sinabi ng aktor na humantong sa paghihiwalay ang kanilang pagsasama ni Marjorie dahil sa kanyang ugali.

 
Kasunod naman ng pag-amin ni Dennis sa kanyang pagkukulang ay nagpahayag si Marjorie ng pagkagulat sa ginawa ng dating asawa.*

 
Hindi daw niya naisip na darating ang araw na magsasalita si Dennis para akuin ang kanyang mga pagkakamali sa kanilang relasyon.

 
“I never thought the day would come that he would say na may kasalanan din siya sa breakup namin, sa breakdown ng marriage namin,” ayon kay Marjorie sa isang panayam sa vlog ni Toni Gonzaga noong May 16, 2021.

 
Nilabas ng aktres ang kanyang nararamdaman tungkol sa mga naging usapan ng mag-ama.

 
“For a long time, I was wondering. I know that I forgave him over and over again, so I was wondering why he didn’t remember me as a good wife, or why wasn’t he spending that much time with his kids,” saad pa ni Marjorie

 
Nilinaw din ng akres na hindi umano niya hinihikayat ang kanilang mga anak na huwag makipag bonding o makipag usap sa kanilang ama.

 
“People misjudged me, thinking I was encouraging my kids not to have a relationship with their father. As a matter of fact, even Dennis thought for a long time that I was the one preventing him from seeing my kids,” ayon pa sa aktres
 
Sa kasalukuyan ay muli na namang naging tampok sa mga headlines ang mag-ama na Julia at Dennis.