Mga Netizens Labis Ang Lungkot ng Marinig Ang Kwento ng Isang Matanda na Pilit Pinapababa sa Jeep - The Daily Sentry


Mga Netizens Labis Ang Lungkot ng Marinig Ang Kwento ng Isang Matanda na Pilit Pinapababa sa Jeep



Larawan mula sa Facebook
Nag-viral sa social media ang ibinahagi ng isang netizen na si Peng Contreras Carpo sa kaniyang Facebook account kamakailan lamang matapos niyang itampok ang isang matandang lalaki na kaniyang nakasakay sa jeep.

Kwento ni Peng na maraming mga pasahero ang nagrereklamo tungkol sa amoy ng matanda na kaniyang nakilala bilang Tatay Bert.

Dahil sa mga reklamo, napilitan ang driver ng jeep na pahintuin ang kaniyang sasakyan at pababain ang matanda.

Dala naman ng awa na naramdaman ni Peng, pinigilan niya ang driver at sinabi na siya na ang magbabayad ng magiging pamasahe ng matanda.
Larawan mula sa Facebook
Matapos ng pangyayari, humingi ng pasensya si Tatay Bert at sinabi na siya ay nakatira sa Guimaras at napilitan na mamalimos sa Iloilo kung kaya't halos isang linggo na siyang walang ligo dahil hindi pa siya nakakauwi sa kanilang tirahan.

Ipinakita pa nito ang laman ng kaniyang bag na puno ng damit at pagkain na kaniyang iuuwi sa kaniyang pamilya. Bukod pa dito, kailangan niya ding bilhan ng gamot ang kaniyang asawa dahil ito ay may s4kit.

Kahit din daw gustuhin niya magtrabaho ay wala ng tumatanggap sa kaniya dahil siya ay matanda na.

Hiyang hiya naman ang mga pasahero nang malamang ang tunay na kwento ni Tatay Bert at dahil na rin sa mga pangungutya na kanilang sinasabi sa matanda dahil lamang sa hindi magandang amoy nito.

Si Peng naman, sa kabilang banda, ay sinabi na nadurog ang kaniyang puso at halos maluha luha dahil sa kwento ng matanda.

Ang mga netizens naman ay nagbigay ng positibong reaksyon sa viral post na sinabi na sana daw ay hindi tayo ganoon mabilis manghusga base lamang sa itsura o anyo ng isang tao dahil ito ay maaaring nangangailangan ng ating tulong.

Narito ang ilang komento ng ating mga netizens:


Source: OMG Balita