Lalaking may GF, tinuruan ng leksyon ang babaeng nag-volunteer maging kabit nya - The Daily Sentry


Lalaking may GF, tinuruan ng leksyon ang babaeng nag-volunteer maging kabit nya





HINDI LAHAT NG LALAKI AY PARE-PAREHO. Yan ang malinaw na pinatunayan ng isang sundalo sa babaeng bigla na lang nag-chat sa kanya at inalok ang sarili sa naturang lalaki upang gawin syang kabit nito.


Sa panahon ngayon kung saan naglipana ang mga lalaking hindi kayang makuntento sa isa, bibihira na lang makahanap ng lalaking faithful at loyal sa kanilang nobya o asawa at wala sa bokabularyo ang pagiging babaero. Tulad na lang ng isang maginoong lalaking ito na nagsilbing huwarang ehemplo sa lahat ng mga kalalakihan dahil sa ipinakita nitong katapatan sa kanyang minamahal at sa hindi nito pag-abuso sa kahinaan ng isang babae na inaalok na mismo ang kanyang sarili bilang isang kerida.


Mabilis na kumalat sa social media ang mga screenshot kung saan makikita ang naging usapan sa pagitan ng isang sundalo at ng hindi pinangalanang netizen na willing umanong maging kabit ng nasabing militar.


Giit ng babae sa sundalo, 'deserve' umano nyang gawin syang kabit ng nabanggit na lalaki dahil sa gwapo nito.


Ngunit hindi inakala ng willing victim na hindi papabor sa kanya ang magiging reaksyon ng lalaki dahil sa hindi inaasahang sagot nito sa kanyang mapangahas na sinabi. Deretsahang sagot kasi nito sa kanya, 'sa ganda mo ring yan, deserve mo ng faithful na sundalo'.


Hindi naman agad natinag ang sibilyan sa sinabi ng natitipuhan nyang lalaki kung kaya muli nyang kinulit ito at tahasang inalok ang sarili sa natitipuhang militar.


"Deserve moko maging kabet sir" saad ng tila desperadang babae.



Ngunit nanatiling marespeto ang lalaki at hindi sinamantala ang kahinaan ng nagkakagusto sa kanya.


Sa puntong iyon ay natauhan din ang babae at hindi na muling ipinilit pa ang sarili sa sundalo.


Sa caption naman ng naturang post, mababasa ang paliwanag ng lalaki kung bakit ganito ang naging reaksyon nya sa mga sinabi ng babae:


Faithful po kasi talaga ako....
Pasensya po... Ayaw kong magkaroon ng rason yong babaeng mahal ko para iwan nya ako.

To ma'am peace po.. 😁😁
Maganda ka po sa maganda.. Marami ka pang makikilala na pwedeng mag seryoso sayo... 😘😘😘

#faithfulsoldier
#hugotsundalo
#blitz


Photo from Hugot Sundalo's Facebook page
Photo from Hugot Sundalo's Facebook page