Isang guro araw-araw na nagbibisikleta para ihatid ang mga modules ng kanyang mga estudyante - The Daily Sentry


Isang guro araw-araw na nagbibisikleta para ihatid ang mga modules ng kanyang mga estudyante




Photos courtesy of One Cavite


Nang dahil sa pandemya, maraming buhay ang pansamantalang naantala. Hindi na tayo nakakapamuhay ng normal na gaya ng dati kung saan ay malaya tayong nakakagalaw at nakakasalamuha ang ating mga kapwa.


Kasama sa mga naapektuhan ng krisis sa pandemya ay hindi lamang ang mga malalaking Negosyo kungdi maging ang mga malilit na mga negosyante ay apektado rin. *

 

Gayon din ang mga nagta-trabaho, ngunit higit na nakakabaha ay ang ating mga anak na hindi na nakakapasok sa kanilang mga eskwelahan at nakaka-salamuha ng pisikal ang kanilang mga kaeskwela at mga guro.

 

Kaya naman upang maiwasan ang pagkahawa ng mga mag-aaral ay pansamantala muna inihinto ang pisikal na pagpasok sa mga paaralan at tanging sa pamamagitan muna ng mga modules ang kanilang pag-aaral.

 

Mga magulang na lamang ang kumukuha ng mga modules sa paaralan ng kanilang mga anak ngunit maswerte naman kung ang mga duro mismo ang naghahatid ng mga modules sa kanilang mga estudyabte.

 

Ngunit iba ang diskarte ng isang guro na ito, mula sa Emiliano Tria Tirona Memorial National High School, Kawit Cavite, na si Dr. Annie Assong, ginagamit nya ang kanyang bisikleta sa pag-iikot sa kanyang mga estudyante. *


Photos courtesy of One Cavite


Matiyagang inihahatid ni Ma’am Annie ang mga modules na gagamitin ng kanyang mga mag-aaral para sa kanilang mga leksyon sa bayan ng Kawit.

 

Dahil dito, si Ma’am Annie ang napiling manalo sa pa-contest ni Kawit Cavite Mayor Angelo G. Aguinaldo na tinawag nyang #PadyaKawit.

 

Umani ng papuri at paghanga ang mga netizen sa ipinalitang dedikasyon ni Teacher Annie sa kanyang sinumpaang propesyon. Kaya naman maging ang alcalde ng Kawit ay naantig sa sipag at malasakit ng guro sa kanyang mga mag-aaral.


“Tunay pong nakaaantig at nakabibilib ang kaniyang dedikasyon para sa edukasyon ng kabataang Kawite├▒o.“  pahayag ni Mayor Angelo Aguinaldo



“Maraming salamat po sa iyong may puso at malasakit na pagtuturo sa ating mga mag-aaral, Ma'am Annie, congratulations po at ingat sa pagpadyak!” dagdag pa ng alkalde.

 

Sa kasalukuyan, personal na pumunta si Ma’am Annie sa tanggapan ng Mayor gamit mismo ang kanyang bike, upang mapasalamatan ang nasabing guro at tanggapin na din ang kanyang napanalunan.

 

Sinabi ni Mayor Aguinaldo ang kanyang respeto at paghanga sa guro at pinasalamatan na din ito dahil sa kabutihan at malasakit sa kanyang mga mag-aaral.

 

Sana ay tuluran kayo ng iba pang mga guro na gumagawa ng paraan upang pagmalasakitan ang kanilang mga estudyante upang kahit papaano ay hindi tuluyang maantala ang kanilang mga pag-aaral.  *