Pulubing mag-ama na gutom na gutom, pinakain ng hindi kilalang babae sa Jollibee - The Daily Sentry


Pulubing mag-ama na gutom na gutom, pinakain ng hindi kilalang babae sa Jollibee



Larawan mula kay Alexiefe Sulit Cataquiz
Viral sa social media ang ginawa ng isang babae matapos siyang magpakita kabutihang loob at ilibre ng makakain ang mag-amang pulubi na gutom na gutom.

Marami ang humangang netizen sa ginawa ng hindi pa nakikilalang babae na hindi manlang nagdalawang isip na tulungan ang tatay at anak nito.

Ayon sa post ng isang netizen na si Alexiefe Sulit Cataquiz, nakita ng babae ang mag-ama na namamalimos sa labas ng nasabing fast food kung kaya naman hindi ito nagdalawang isip na papasukin at ilibre sila ng makakain.
Larawan mula kay Alexiefe Sulit Cataquiz
Ayon sa post ni Alexiefe, madaming tao ang umiwas sa mag-ama dahil sa kanilang itsura ngunit ang ale na ito lamang ang naglakas loob na tulungan sila.
Larawan mula kay Alexiefe Sulit Cataquiz
Gutom na gutom umano ang mag-ama dahil malayo pa ang kanilang pinanggalingan at naglalakad lamang sila dahil wala silang pamasahe.

"Sya po yung tumulong sa mag-ama na nagugutom, may nakita syang namamalimos sa labas ng Jollibee, yung iba umiiwas, yung iba naman pinagtatabuyan sila dahil sa itsura nila, gutom na gutom daw po itong mag-ama dahil malayo pa ang pinanggalingan nila naglakad lang sila dahil walang pamasahe" ayon kay Alexiefe.
Larawan mula kay Alexiefe Sulit Cataquiz
Dahil sa kabutihang taglay ng ale ay pinapasok, inasikaso, inorderan ng pagkain at binigyan pa ito ng kaunting pera upang mas mabilis na nilang marating kung saan man sila pupunta.

"Itong si ate naawa kaya pinapasok nya sa Jollibee, inorderan ng pagkain, inasikaso at binigyan pa ng konting pera pamasahe," dagdag ni Alexiefe.

Labis-labis umano ang pasasalamat ng matandang lalaki kay ate dahil sa pagpapakita nito ng pagmamalasakit sa kanila kahit na ganoon ang kanilang itsura.
Larawan mula kay Alexiefe Sulit Cataquiz
"Labis ang pasasalamat ni tatay kay ate dahil sa pagmamalasakit at kabutihang ginawa sa kanila.. Kung sino man po itong ginang na ito, saludo kami sa'yo! nawa'y pagpalain ka ng Poong may Kapal.." ayon pa kay Alexiefe.
Larawan mula kay Alexiefe Sulit Cataquiz
Basahin ang buong post ni Alexiefe sa ibaba:

"Guys.. pasikatin natin itong babae..

"Sya po yung tumulong sa mag-ama na nagugutom, may nakita syang namamalimos sa labas ng Jollibee, yung iba umiiwas, yung iba naman pinagtatabuyan sila dahil sa itsura nila, gutom na gutom daw po itong mag-ama dahil malayo pa ang pinanggalingan nila naglakad lang sila dahil walang pamasahe, pero itong si ate naawa kaya pinapasok nya sa Jollibee, inorderan ng pagkain, inasikaso at binigyan pa ng konting pera pamasahe, labis ang pasasalamat ni tatay kay ate dahil sa pagmamalasakit at kabutihang ginawa sa kanila.. Kung sino man po itong ginang na ito, saludo kami sa'yo! nawa'y pagpalain ka ng Poong may Kapal.. thumbs up"
Larawan mula kay Alexiefe Sulit Cataquiz


****

Source: Alexiefe Sulit Cataquiz