Isang anak, nagmadali umuwi matapos makita ang litrato ng ina

Photo Credits: Christie Lindog

Hindi na nagdalawang isip na umuwi ng kanilang bahay ang isang anak matapos makita ang litrato ng kanyang ina, na naghihintay sa kanilang mesa na naghanda ng pansit at empanada para sa kanilang pamilya.

Bagama't nauna na siyang tumanggi at nagdahilan sa imbitasyon ng kanyang ama dahil siya raw ay pagod at may pasok pa kinabukasan, hindi na niya hinayaan na lumagpas ang pagkakataon na umuwi at kumain kasama ang kanyang pamilya matapos niya mapagtanto ang mga bagay na ito:

"I immediately realized, that the noodles, the empanadas, and every other food mom has made was not just a dish she wanted to share but her own excuse to see us. And here I was, giving the lamest excuses not to see her and dad," pahayag ni Christie Lindog.

Matapos makauwi ng kanilang bahay, sinugarado din daw niya na kumain siya ng maraming pansit at empanada na inihanda ng kanyang ina.

"Appreciate the time we have left with our parents or family because life is short and uncertain," paalala ni Christie.

Source: 1, Photos by Christie Lindog from Subtle Asian Traits